Bigg Boss 15 | ‘बिग बॉस 15’च्या घरात आणखी एक लव्हस्टोरी फुलणार? तेजस्वीला पसंत करू लागलाय करण कुंद्रा!
टीव्हीचा लोकप्रिय शो ‘बिग बॉस 15’मध्ये (Bigg Boss 15) गेल्या दोन आठवड्यांपासून, स्पर्धेच्या मध्यभागी सर्व प्रकारच्या भावना दिसून आल्या आहेत. या सीझनच्या तिसऱ्या आठवड्यात, नवीन जोडपी देखील तयार होताना दिसत आहेत. ईशान आणि मायशा नंतर आता करण आणि तेजस्वी यांची मैत्री अधिक घट्ट होताना दिसते आहे.
मुंबई : टीव्हीचा लोकप्रिय शो ‘बिग बॉस 15’मध्ये (Bigg Boss 15) गेल्या दोन आठवड्यांपासून, स्पर्धेच्या मध्यभागी सर्व प्रकारच्या भावना दिसून आल्या आहेत. या सीझनच्या तिसऱ्या आठवड्यात, नवीन जोडपी देखील तयार होताना दिसत आहेत. ईशान आणि मायशा नंतर आता करण आणि तेजस्वी यांची मैत्री अधिक घट्ट होताना दिसते आहे. चाहत्यांना दोघांना एकत्र पाहणे आवडते आहे. चाहत्यांनी सोशल मीडियावर दोघांनाही ‘तेजरन’ असा टॅग दिला आहे. तथापि, शोच्या पहिल्या आठवड्यापासून तेजस्वी आणि करण कुंद्रा यांच्यात चांगले बंधन दिसून आले आहे.
‘बिग बॉस 15’मध्ये आणखी एक प्रेमकथा तयार केली जात आहे असे दिसते आहे. नव्या भागामध्ये करण आणि तेजस्वी प्रकाश यांच्यात दीर्घ संवाद झाला. खरं तर तेजस्वी जंगल परिसरात करणसोबत बसली होती आणि म्हणाली की, “मला तुमच्यापासून अंतर जाणवत आहे. आपल्याशी बोलणे देखील कठीण होत आहे. तुमच्या जवळ जाणे देखील कठीण होत आहे. आपण एकत्र कधीच बोललो नाही. मला वाटते की, प्रथमच आपले फुटेज एकत्र येईल. जेव्हा तुम्ही सांगितले की, आपले व्हाईब्स जुळतात, तेव्हा मला वाटले की ही एक चांगली गोष्ट आहे. पण तसे घडले नाही.’ यावर करण देखील सहमत आहे आणि म्हणतो की, तो इतरांसमोर बोलू शकत नाही.
करण म्हणाला, मी माझे फिलिंग व्यक्त करण्यासाठी वेळ घेतो!
करण म्हणाला, ‘मला तुझ्याप्रती आकर्षण आहे. मी माझ्या भावना व्यक्त करू शकत नाही. तू मुख्य घरात गेल्यावर मला आनंद झाला नाही. माझ्या चेहऱ्यावरचे भाव बदलले होतो. तेजू, मला तुझी खूप आठवण येते हे सांगायला मला बराच वेळ लागला. असे असू शकते की, आपण कधीही बोललो नाही, पण मी माझ्या भावना व्यक्त करण्यासाठी वेळ घेतो.’
तेजस्वी पुढे म्हणते, ‘जेव्हा मी अडचणीत होते, तेव्हा तू काहीच केले नाहीस. मी म्हणत नाही की, तू सतत माझी काळजी घे. पण तू मला विचारले देखील नाहीस की, मी कशी आहे.’ करण म्हणतो, ‘लक्षात ठेव की, जेव्हाही असा काही गोंधळ होईल, तुला त्रास होईल तेव्हा मी तिथे असेन! मी नेहमी याकडे लक्ष देतो की तू ठीक आहेस की नाही… तू तू आहेस आणि मला तुझी काळजी वाटते.’ यानंतर तेजस्वी म्हणते की, ‘मला आनंद झाला की, तू तुझं म्हणणं स्पष्टपणे मांडलंस.’
हेही वाचा :
आधी युवराज सिंग आणि आता युविका चौधरी, हरियाणात जातीवाचक शिवीगाळ, अटक, वाचा नेमकं काय झालं?
संजीदा शेख ते मोहित मलिक, अभिनयाव्यतिरिक्त ‘साईड बिझनेस’ म्हणून अनेक व्यवसाय करतात टीव्ही कलाकार!