तंटा नाय तर घंटा नाय… ‘बिग बॉस मराठी’चा नवा प्रोमो आऊट; रितेश देशमुखच्या स्टाईलने मनं जिंकली
Bigg Boss Marathi New Promo Release : बिग बॉस मराठीचा नवा प्रोमो रिलिज झाला आहे. बिग बॉस मराठीच्या यंदाचा सिझन खास आहे. कारण यंदा रितेश देशमुख या कार्यक्रमाचं सूत्रसंचालन करणार आहे. त्यामुळे या सिझनकडे प्रेक्षकांचं लक्ष आहे. या सिझनचा नवा प्रोमो तुम्ही पाहिलात का? वाचा सविस्तर...
‘बिग बॉस’ या रिअॅलिटी शोचे असंख्य चाहते आहेत. अशातच ‘बिग बॉस मराठी’ चा नवा कोरा सिझन प्रेक्षकांच्या भेटीला येत आहे. कलर्स मराठी’ आणि जिओ सिनेमाच्या अधिकृत सोशल मीडिया अकाऊंटवर ‘बिग बॉस मराठी’ च्या नव्या सीझनची घोषणा करण्यात आली आहे. तसेच काही दिवसांपूर्वीच ‘बिग बॉस मराठी’चा धमाकेदार प्रोमो प्रेक्षकांच्या भेटीला आला. त्यानंतर आता ‘बिग बॉस मराठी’ चा नवा प्रोमो समोर आला आहे. या नव्या प्रोमोमध्ये या कार्यक्रमाचा होस्ट अभिनेता रितेश देशमुखचा ‘वेड’ लावणारा अंदाज पाहायला मिळतोय. प्रेक्षकांना रितेशचा नवा अंदाज भावतो आहे.
‘बिग बॉस मराठी’ चा नवा प्रोमो
‘बिग बॉस मराठी’च्या याआधीच्या प्रोमोतून रितेश भाऊमुळे ‘बिग बॉस’ आणखी ग्रँड होणार असल्याचं स्पष्ट झालं. अशातच आता पुन्हा एकदा नव्या पर्वाचा नवा प्रोमो प्रेक्षकांच्या भेटीला आला आहे. आता बिग बॅासच्या किचनमध्ये भांड्याला भांडं लागणार… आणि रितेश देशमुखच्या स्टाईलने सिझन गाजणार…, असं म्हणत ‘बिग बॉस मराठी’च्या तिसऱ्या सिझनचा प्रोमो कलर्स मराठीकडून शेअर करण्यात आला आहे. हिंदी- मराठी मनोरंजनसृष्टी गाजवणारा संपूर्ण महाराष्ट्राचा लाडका सुपरस्टार रितेश देशमुख यंदाचा सीझन वाजवायला सज्ज आहे.
View this post on Instagram
‘बिग बॉस मराठी’ च्या पहिल्या प्रोमोमध्ये रितेश भाऊची ‘लयभारी’ स्टाईल पाहायला मिळाली. अन् आता नव्या प्रोमोमध्येही त्याचा कमाल स्वॅग पाहायला मिळत आहे. ‘बिग बॉस’च्या घरात आतापर्यंत ज्या पद्धतीने गेम प्लॅन, टास्क स्पर्धक खेळले. त्याप्रकारे या पर्वातील स्पर्धकांना खेळता येणार नाही. कारण स्पर्धकांचे प्लॅन तोडायला रितेश भाऊ सज्ज आहे. ‘तंटा नाय तर घंटा नाय… ते प्लॅन बनवणार आणि मी तोडणार.. कारण आता मी आलोय कल्ला तर होणारच… तो पण माझ्या स्टाईलने, असं या प्रोमो रितेश देशमुख म्हणताना दिसत आहे.
बिग बॉस मराठीचा नवा सिझन लवकरच…
महाराष्ट्रात लवकरच ‘बिग बॉस’ चा आवाज घुमणार आहे. आगळावेगळा भन्नाट रिअॅलिटी शो म्हणून ”बिग बॉस’कडे पाहिलं जातं. हा कार्यक्रम जेवढा मनोरंजक आहे. तेवढाच आव्हानात्मक आहे. या पर्वातही एकापेक्षा एक अतरंगी स्पर्धक अशक्य, अफलातून गोष्टी करताना दिसून येतील. तसेच रितेश देशमुख आपल्या अनोख्या अंदाजात पाहायला मिळणार आहे. ‘बिग बॉस’ मराठीचा नवा सीझन प्रेक्षकांना लवकरच कलर्स मराठी आणि जिओ सिनेमावर पाहता येईल.
