Raju Srivastav | राजू श्रीवास्तव यांना शुद्ध नाही, दीपू श्रीवास्तव यांनी दिले नवे हेल्थ अपडेट…

मुंबई : कॉमेडियन राजू श्रीवास्तव (Raju Srivastav) हे गेल्या एक महिन्यांपेक्षाही अधिक काळापासून दिल्लीतील एम्स रूग्णालयात उपचार घेत आहेत. त्यांच्या तब्येतीबाबत दररोज वेगवेगळे अपडेट पुढे येतंय. राजू यांना रूग्णालयात (Hospital) दाखल करून एक महिना जरी झालांय, तरीही अजून राजू यांना शुद्ध आली नाहीये. यामुळे कुटुंबीय आणि चाहते यांच्यामध्ये चिंतेचे वातावरण असून सर्वजण राजू श्रीवास्तव यांच्या चांगल्या आरोग्यासाठी प्रार्थना करत आहेत. मध्यंतरी बातमी आली होती की, एम्स रूग्णालयातून मुंबईच्या (Mumbai) रूग्णालयात राजू यांना हलवण्यात येणार आहे. मात्र, राजू श्रीवास्तव यांचे बंधू यांनी यासंदर्भात महत्वाची माहिती दिलीये.

राजू श्रीवास्तव यांच्या बंधूंनी दिले नवे हेल्थ अपडेट

राजू श्रीवास्तव हे सध्या दिल्लीतील एम्स रूग्णालयात आहेत. राजू हे व्हेंटिलेटरवर अजून तज्ज्ञ डाॅक्टरांची टीम त्यांच्यावर उपचार करते आहे. गेल्या काही दिवसांपासून राजू यांच्या कुटुंबाकडून त्यांच्या तब्येतीबाबत काही अपडेट मिळत नसल्याने चाहते चिंतेत होते. मात्र, शुक्रवारी राजू श्रीवास्तव यांचे बंधू दीपू श्रीवास्तव यांनी तब्येतीबाबत अपडेट दिले असून काही महत्वाची माहितीही चाहत्यांसोबत शेअर केलीये.

राजू श्रीवास्तव अजूनही व्हेंटिलेटरवर

दीपू श्रीवास्तव यांनी राजू यांच्या तब्येतीबद्दल सांगितले की, राजू यांच्या तब्येतीमध्ये हळूहळू सुधारणा होत आहे, ते लवकरच बरे होतील. सध्या राजू व्हेंटिलेटरवर आहे. राजू यांच्या तब्येतीबाबत डॉक्टरांनी सांगितले की, आम्ही राजू यांना बरे करण्यासाठी सर्वतोपरी प्रयत्न करत आहेत, पण तुमच्या प्रार्थनांची गरज आहे. इतकेच नाही तर राजू यांच्या भावाने हे स्पष्ट केले आहे की, राजू यांचा पुढील उपचार एम्समध्येच होणार आहे, त्यांना मुंबईला शिफ्ट करण्यात येणार नाही.