11 वर्ष जुन्या मराठी चित्रपटातील डायलॉग अचानक आलं चर्चेत, देशभरातली लोकं करतायेत सर्च,कारण…
मराठी चित्रपटसृष्टीतील काही डायलॉग असे असतात, जे चित्रपट प्रदर्शित झाल्यानंतर अनेक वर्षांनीही प्रेक्षकांच्या लक्षात राहतात. 'टाईमपास' चित्रपटातील असाच एक संवाद सध्या गणपती उत्सवाच्या काळात सोशल मीडियावर पुन्हा चर्चेत आला होता. गणपतीच्या आरतीतील एका ओळीवर आधारित मजेशीर रील्स सध्या मोठ्या प्रमाणात पाहायला मिळत आहेत.
मराठी चित्रपटसृष्टीतील काही डायलॉग असे असतात, जे चित्रपट प्रदर्शित झाल्यानंतर अनेक वर्षांनीही प्रेक्षकांच्या लक्षात राहतात. ‘टाईमपास’ चित्रपटातील असाच एक संवाद सध्या गणपती उत्सवाच्या काळात सोशल मीडियावर पुन्हा चर्चेत आला होता. गणपतीच्या आरतीतील एका ओळीवर आधारित मजेशीर रील्स सध्या मोठ्या प्रमाणात पाहायला मिळत आहेत.
‘सरळ सोंड वक्र तुंड त्रीनयना, दास रामाचा वाट पाहे सदना’ या आरतीच्या ओळीचा संदर्भ घेत काही रील्स तयार करण्यात आल्या आहेत. यामध्ये आरती बोलताना अनेक जण करत असलेली चुक म्हणजेच ‘वाट पाहे सदना’ ऐवजी ‘वाट पाहे सजना’ असा मजेशीर बदल दाखवण्यात आला आहे. त्यामुळे अनेकांना ‘टाईमपास’मधील संबंधित प्रसंगाची आठवण झाली आहे. सोशल मीडियावर व्हायरल होणाऱ्या या रील्समध्ये गणपती बाप्पा सजना या शब्दावरील नराजी दाखवत आहेत. म्हणतात, कैसा भाषा है रे तुम लोगों का? तर मूषक सांगत आहे “नया है वह” या रील्समधील कल्पना नेटकऱ्यांना का आवडली, याचे कारण त्यातील साधेपणा आणि चित्रपटाच्या आठवणी असे म्हणता येईल. गणपती आरतीशी संबंधित ओळ परिचित असल्याने हा संदर्भ लगेच लक्षात येतो आणि त्यातून विनोद निर्माण होतो.
View this post on Instagram
या ट्रेंडमुळे ‘टाईमपास’मधील जुन्या संवादाची पुन्हा चर्चा सुरू झाली आहे. विशेष म्हणजे, अनेक वर्षांपूर्वी प्रदर्शित झालेल्या चित्रपटातील संवाद आजच्या सोशल मीडिया ट्रेंडशी जोडला जात असल्याने नेटकऱ्यांचे लक्ष वेधले जात आहे.
View this post on Instagram
‘टाईमपास’ हा रवी जाधव दिग्दर्शित मराठी चित्रपट 3 जानेवारी 2014 रोजी प्रदर्शित झाला. या चित्रपटात प्रथमेश परबने दगडू आणि केतकी माटेगावकरने प्राजक्ता म्हणजेच प्राजूची भूमिका साकारली आहे. वैभव मांगले आणि भाऊ कदम यांच्याही महत्त्वाच्या भूमिका आहेत. चित्रपटाचे संगीत चिनार-महेश यांनी दिले आहे.
1990 च्या दशकातील किशोरवयीन प्रेमकथेवर आधारित ‘टाईमपास’मधील विनोदी आणि रोमँटिक संवाद तरुणाईमध्ये लोकप्रिय झाले. ‘आई-बाबा आणि साईबाबा शप्पत… अशीच पाहिजे आपल्याला!’ तसेच ‘आपल्याला दोन गोष्टी लई आवडतात, काजू कतली आणि आपली प्राजू पतली!’ हे संवादही आजपर्यंत प्रेक्षकांच्या लक्षात आहेत.
