Toxic Advance Booking : रिलीजआधीच ‘टॉक्सिक’चा धुमाकूळ; 6 तासांत विकली हजारो तिकीटं; बॉक्स ऑफीसचे सगळे रेकॉर्ड्स मोडणार ?

Toxic Advance Booking Report : अभिनेता यश आणि कियारा अडवाणी यांचा ‘टॉक्सिक’ हा चित्रपट प्रदर्शनासाठी सज्ज आहे. पुढल्या आठवड्यात म्हणजेच 26 ऑगस्ट रोजी हा चित्रपट रिलीज होणार असून मोठ्या पडद्यावर चित्रपटाचा अनुभव घेण्यासाठी चाहते उत्सुक आहेत. चित्रपट रिलीज होण्याच्या काही दिवस आधीच म्हणजेच आजपासून ( 21 ऑगस्ट शुक्रवार) चित्रपटाचं ॲडव्हान्स बुकिंग सुरू झालं आहे. मात्र बूकिंग सुरू होताच या चित्रपटाने बॉक्स ऑफीसवर मोठा इतिहास रचला आहे. ही सुरूवात पाहता चित्रपट मोठी, बंपर कमाई करेल यात काहीच शंका नाही.

 अवघ्या 6 तासांत 30 हजार तिकिटांची विक्री

यशच्या ‘टॉक्सिक’ चित्रपटाची प्रेक्षकांमध्ये चांगलीच उत्सुकता पाहायला मिळत आहे. ॲडव्हान्स बुकिंग सुरू होताच चित्रपटाला जोरदार प्रतिसाद मिळाला आहे. बॉलिवूड हंगामाच्या रिपोर्टनुसार, बुकिंग सुरू झाल्यानंतर अवघ्या 6 तासांत पीव्हीआर, आयनॉक्स आणि सिनेपोलिस या तीन प्रमुख नॅशनल चेनमध्ये तब्बल 30 हजार तिकिटांची विक्री झाली. या सुरुवातीच्या तूफान प्रतिसादावरून ‘टॉक्सिक’ पहिल्याच दिवशी हिंदी भाषेतून 45 ते 50 कोटी रुपयांचा व्यवसाय करू शकतो, असा अंदाज व्यक्त केला जात आहे.

देशभरात 84 हजारांहून अधिक तिकिटांची बुकिंग

नॅशनल चेनसोबतच नॉन-नॅशनल चेनमधील बुकिंगचा आकडाही पाहिला, तर ‘टॉक्सिक’ चित्रपटाची क्रेझ आणखी स्पष्ट दिसून येते. सॅकनिल्कच्या आकडेवारीनुसार, दुपारी 3 वाजेपर्यंत देशभरात ‘टॉक्सिक’ची तब्बल 84,315 तिकिटं बुक झाली होती. पिक्चर रिलीज व्हायच्या आधीच बूकिंग सुरू झालं असून या बुकिंगमधून चित्रपटाने आतापर्यंत सुमारे 4.1 कोटी रुपयांची कमाई केली आहे. ब्लॉक सीट्सचा समावेश केल्यास हा आकडा 9.19 कोटी रुपयांपर्यंत पोहोचतो. विशेष म्हणजे, चित्रपटाच्या प्रदर्शनाला अजून काही दिवस बाकी आहेत. त्यामुळे येत्या काही दिवसांत ॲडव्हान्स बुकिंगला आणखी वेग येण्याची शक्यता आहे.

सहा भाषांमध्ये रिलीज होणार ‘टॉक्सिक’

गीतू मोहनदास यांनी दिग्दर्शित केलेल्या ‘टॉक्सिक’मध्ये यश मुख्य भूमिकेत आहे. त्याच्यासोबत कियारा आडवाणी, हुमा कुरेशी, नयनतारा, तारा सुतारिया, आणि रुक्मिणी वसंत हे कलाकार महत्त्वाच्या भूमिकांमध्ये दिसणार आहेत. हा चित्रपट कन्नड, तमिळ, तेलुगू, मल्याळम, हिंदी आणि इंग्रजी अशा एकूण सहा भाषांमध्ये प्रदर्शित होणार आहे. तब्बल 4 वर्षांनंतर या चित्रपटातून यश मोठ्या पडद्यावर दिसणार आहे. 2022 साली आलेल्या KGF 2 नंतर त्याचा कोणताही मोठा चित्रपट आलेला नाही. त्यामुळे त्याचे चाहते या चित्रपटासाठी अतिशय उत्सुक आहेत. आता प्रेक्षकांकडून या चित्रपटाला किती प्रतिसाद मिळतो, याकडे सर्वांचं लक्ष लागलं आहे.