Adinath Urmila Divorce : पहिल्या प्रेमाने जखम दिली तर…? घटस्फोटानंतर उर्मिलाने दिलेल्या ‘त्या’ लक्षवेधी उत्तराची सर्वत्र चर्चा
Adinath Urmila Divorce : अभिनेता आदिनाथ कोठारे आणि अभिनेत्री उर्मिला कानेटकर यांनी लग्नाच्या जवळपास 15 वर्षांनंतर घटस्फोट घेतला आहे. आदिनाथ याने फेसबूकवर एक पोस्ट शेअर करत घटस्फोटाची घोषणा केली. दरम्यान, उर्मिलाचा एक व्हिडीओ व्हायरल होत आहे. ज्यामध्ये तिने पहिल्या प्रेमाने जखल दिल्यानंतर काय? यावर लक्षवेधी वक्तव्य केलं आहे.
Adinath Urmila Divorce : अभिनेता आदिनाथ कोठारे आणि अभिनेत्री उर्मिला कानेटकर यांनी अखेर घटस्फोटाची घोषणा केली आहे. गेल्या अनेक महिन्यापासून दोघांच्या घटस्फोटाच्या चर्चांनी देखील जोर धरलेला. अखेर आदिनाथ आणि उर्मिला यांनी सोशल मीडियाच्या माध्यमातून घटस्फोट झाल्याची जाहिर कबुली दिली आहे. ‘आम्ही परस्पर सहमतीने आमचा पती – पत्नी म्हणून प्रवास संपवत आहोत. पण मुलीसाठी कायम एकत्र असू…’ असं पोस्टमध्ये नमूद केलं आहे. दरम्यान, अभिनेत्रीचा एक जुना व्हिडीओ सोशल मीडियावर तुफान व्हायरल होत आहे.
आदिनाथ-उर्मिलाने घटस्फोट जाहीर केल्यानंतर अभिनेत्रीचा प्रेमाबाबतचा एक जुना व्हिडीओ पुन्हा चर्चेत आळा आहे. एका शोमध्ये उर्मिलाला प्रेमाबाबत प्रश्न विचारण्यात आला होता. कार्यक्रमात उर्मिला हिच्यासोबत अभिनेत्री क्रांती रेडकर देखील होती. प्रेम म्हणजे काय असं विचारताच उर्मिला म्हणाली, ‘प्रेम म्हणजे मैत्री आणि विश्वास’.
View this post on Instagram
त्यानंतर पुढे उर्मिला विचारण्यात आलं की, “जर त्याच प्रेमाने जखम दिली तर?” त्यावर काही सेकंद विचार करून उर्मिला म्हणते, “तर मग दुसरं प्रेम शोधायचं.” अभिनेत्रीचा शोमधील जुना व्हिडीओ आता तिच्या घटस्फोटानंतर व्हायरल होतो आहे. सध्या सर्वत्र फक्त आणि फक्त उर्मिला – आदिनाथ यांच्या घटस्फोटाची चर्चा रंगली आहे. दरम्यान, घटस्फोटानंतर उर्मिल दुसरं लग्न करणार का? याकडे सर्वांचं लक्ष लागलं आहे.
उर्मिला कानेटकर आणि आदिनाथ कोठारे यांचं नातं
एकत्र काम करत असताना उर्मिला कानेटकर आणि आदिनाथ कोठारे यांच्यामध्ये मैत्री झाली आणि कालांतराने दोघांच्या नात्याचं रुपांतर प्रेमात झाले. अनेक वर्ष एकमेकांना डेट केल्यानंतर दोघांनी लग्न करण्याचा निर्णय घेतला. 2011 मध्ये आदिनाथ आणि उर्मिला यांनी लग्न केलं.
त्यानंतर 2017 मध्ये दोघांनी गोंडस लेक जिजा हिचं जगात स्वागत केलं. पण तरी देखील दोघांचं नातं फार काळ टिकलं नाही. दोघांच्या घटस्फोटानंतर त्यांच्या चाहत्यांना देखील मोठा धक्का बसला आहे. कारण एकेकाळी चाहत्यांना कपल गोल्स देणाऱ्या आदिनाथ आणि उर्मिला यांच्या घटस्फोटानंतर चाहत्यांना गोंधळात टाकलं आहे.
