Video : 75 वर्षीय मुमताज यांचा वर्कआऊट व्हिडीओ पाहून थक्क; नेटकरी म्हणाले ‘माशाल्लाह’!
बॉलिवूडची सुंदर अभिनेत्री मुमताज या स्वभावाने अत्यंत शांत होत्या. जवळच्यांना भरपूर प्रेम देणं ही त्यांची खरी ओळख होती. मुमताज आता 75 वर्षांच्या आहेत. पण या वयातही त्या स्वत:ला फिट ठेवण्यासाठी जिममध्ये कसून वर्कआऊट करतात.
मुंबई : 70 च्या दशकातील प्रसिद्ध अभिनेत्री मुमताज या त्यांच्या दमदार अभिनयासाठी आणि सौंदर्यासाठी ओळखल्या जातात. आजसुद्धा मुमताज यांना पाहून चाहत्यांच्या हृदयाचा ठोका चुकतो. मुमताज आता 75 वर्षांच्या आहेत. पण या वयातही त्या स्वत:ला फिट ठेवण्यासाठी जिममध्ये कसून वर्कआऊट करतात. त्यांचं फिटनेस पाहून तुम्हीसुद्धा थक्क व्हाल. मुमताज या त्यांच्या फिटनेसविषयी खूप सजग असतात आणि नेहमीच त्या चाहत्यांनाही त्यासाठी प्रेरणा देतात. वयाच्या 75 वर्षी त्या जिममध्ये ज्या पद्धतीने वर्कआऊट करत आहेत, ते पाहून भल्याभल्यांना आश्चर्य वाटेल. सोशल मीडियावर सध्या त्यांचा हा व्हिडीओ व्हायरल होतोय.
वयाच्या 75 व्या वर्षी हेवी-वेट वर्कआऊट
सोशल मीडियावरील या व्हिडीओमध्ये मुमताज या हेवी-वेट वर्कआऊट करताना दिसत आहेत. हा व्यायाम तसा सोपा नाही. मात्र त्यांची मेहनत आणि जिद्द पाहून चाहते थक्क झाले आहेत. मुमताज यांच्या व्हिडीओवर चाहत्यांकडून लाइक्स आणि कमेंट्सचा वर्षाव होतोय.
मुमताज यांनी नुकताच इन्स्टाग्रामवर अकाऊंट सुरू केला. या अकाऊंटवर त्यांनी वर्कआऊटचा व्हिडीओ पोस्ट केला आहे. फक्त व्यायामच नाही तर त्या डाएटच्या बाबतीतही सजग असतात. त्यांचा हा व्हिडीओ पाहून नेटकरी त्यांचं कौतुक करतायत. अप्रतिम, अशी कमेंट एका युजरने केली. तर ‘माशाल्लाह, कृपया काळजी घ्या’ असं दुसऱ्याने लिहिलं आहे.
View this post on Instagram
हिरामंडी या वेब सीरिजमध्ये मुमताज यांची भूमिका
मुमताज यांनी 1958 मध्ये ‘सोने की चिडिया’ या चित्रपटातून बालकलाकार म्हणून अभिनयाची सुरूवात केली होती. त्या काळात त्या सर्वाधिक मानधन घेणाऱ्या अभिनेत्री होत्या. आपल्या तीन दशकांच्या कारकिर्दीत त्यांनी एकापेक्षा एक दमदार भूमिका साकारल्या आहेत. 1990 मध्ये प्रदर्शित झालेल्या ‘आंधियाँ’ या चित्रपटानंतर त्यांनी अभिनय सोडलं. आता पुन्हा एकदा त्या कमबॅक करण्यासाठी सज्ज झाल्या आहेत. संजय लीला भन्साळी यांच्या ‘हिरामंडी’ या सीरिजमधून त्या पुनरागमन करत आहेत.
