Chhaava: ‘छावा’ समोर झुकला ‘पुष्पा’, सिनेमाची ३६व्या दिवशीही अपेक्षापेक्षा जास्त कमाई
Chhaava Box Office Collection: 'छावा' सिनेमा हा १४ फेब्रुवारी प्रदर्शित झाला होता. या चित्रपटाला प्रदर्शित होऊन ३६ दिवस उलटले आहेत. तरी चित्रपट चांगली कमाई करताना दिसत आहे.
लक्ष्मण उतेकर दिग्दर्शित ‘छावा’ सिनेमाने बॉक्स ऑफिसवर तुफान आणले आहे. या चित्रपटातील अभिनेता विकी कौशलने अभिनयाच्या जोरावर प्रेक्षकांची मने जिंकली आहेत. फेब्रुवारी १४ रोजी चित्रपटगृहांमध्ये प्रदर्शित झालेला हा सिनेमा चांगली कमाई करत आहे. आता चित्रपट प्रदर्शित होऊन ३६ दिवस झाले आहेत. तरीही चित्रपटाची कमाई सुरुच आहे. आता चित्रपटाने किती कमाई केली चला जाणून घेऊया…
‘छावा’ सिनेमाने संपूर्ण देशातील प्रेक्षकांच्या मनात घर केले आहे. चित्रपट प्रदर्शित होऊन ३६ दिवस झाले आहेत. ३६व्या दिवशी चित्रपटाने बॉक्स ऑफिसवर २.१० कोटी रुपयांची कमाई केली आहे. आता पर्यंत चित्रपटाने एकूण ५७५ कोटी रुपयांची कमाई केली आहे. विकी कौशलचा हा आतापर्यंतचा सर्वाधिक कमाई करणारा सिनेमा ठरला आहे. यापूर्वी त्याच्या उरी: द सर्जिकल स्ट्राइक या सिनेमाने बॉक्स ऑफिस गाजवले होते. पण आता या चित्रपटालाही छावाने मागे टाकले आहे. तसेच छावा सिनेमाची कमाई ही दाक्षिणात्य सुपरहिट सिनेमा ‘पुष्पा २’ पेक्षाही जास्त आहे. त्यामुळे येत्या काळात छावा सिनेमा आणखी किती कमाई करणार हे पाहण्यासाठी सर्वजण आतुर आहेत.
सिनेमा लीक करणाऱ्यांविरोधात तक्रार
‘छावा’ हा सिनेमा इंटरनेटवर अनधिकृतपणे व्हायरल केल्या प्रकरणी पोलिसात तक्रार दाखल करण्यात आली होती. तक्रारीमध्ये असे म्हटले आहे की, १४ फेब्रुवारी रोजी प्रदर्शित झालेला ‘छावा’ हा सिनेमा कॉपीराइट कायद्याचे उल्लंघन करून १८१८ इंटरनेट लिंक्स तयार करून बेकायदेशीरपणे उपलब्ध करून देण्यात आला. याचा परिणाम थिएटरमधील वितरणावर झाला आहे. दक्षिण सायबर पोलिस ठाण्यात हा गुन्हा दाखल करण्यात आला आहे. भारतीय न्याय संहिता (BNS) च्या कलम 316(2) आणि 308(3) अंतर्गत कॉपीराईट कायद्याच्या कलम 51, 63, आणि 65A सह सिनेमॅटोग्राफ कायदा, 1952 चे कलम 6AA (सुधारणा आणि तंत्रज्ञान अधिनियम 236 आणि माहिती 2360 च्या कलम 360) अंतर्गत गुन्हा दाखल करण्यात आला.
छावा सिनेमाविषयी
‘छावा’ चित्रपटात छत्रपती संभाजी महाराजांची शौर्यगाथा दाखवण्यात आली आहे. त्यांची भूमिका अभिनेता विकी कौशलने साकारली. त्यांची पत्नी येसुबाईंची भूमिका अभिनेत्री रश्मिका मंदानाने साकारली आहे तर औरंगजेब ही भूमिका अभिनेता अक्षय खन्नाने साकारली आहे. या चित्रपटात काही मराठी कलाकार देखील दिसले आहेत. त्यामध्ये संतोष जुवेकर, विनीत कुमार सिंह, अक्षय खन्ना आणि आशुतोष राणा यांचा समावेश आहे.
