सुशांतच्या पाठीवर असलेला टॅटू होता अत्यंत खास, कोणासाठी अभिनेत्याने काढलेला टॅटू?

Sushant Singh Rajput: दिवंगत अभिनेता सुशांत सिंह राजपूत आज आपल्यात नसला तरी अभिनेत्याबद्दल अनेक गोष्टी चाहत्यांमध्ये चर्चेत असतात. सोशल मीडिावर देखील सुशांतचे अनेक फोटो आणि व्हिडीओ व्हायरल होत असतात. आज सुशांत याचा जन्मदिन आहे. त्यामुळे अभिनेत्याबद्दल अनेक खास गोष्टी समोर येत आहेत. सांगायचं झालं तर, सुशांत त्याच्या सिनेमांमुळे तर चर्चेत होताच पण अभिनेत्याचं खासगी आयुष्य देखील चर्चेत राहिलं.

सुशांतच्या आयुष्यात एक खास व्यक्ती होती आणि त्या व्यक्तीसाठी अभिनेत्याने पाठीवर टॅटू देखील काढला होता. शिवाय अभिनेत्याने टॅटूचं महत्त्व देखील सांगितलं होतं. सुशांत याने पाठीवर दुसऱ्या तिसऱ्या कोणासाठी नाही तर, स्वतःच्या आईसाठी टॅटू काढला होता.

सुशांत याने लहान असतानाच आईला गमावलं होतं. अभिनेत्याचं आईवर प्रचंड प्रेम होतं. म्हणून अभिनेत्याने पाठीवर आईसाठी टॅटू काढला होता. टॅटू बनवण्यासाठी अभिनेत्याला बहीण श्वेता सिंह हिने मदत केली होती. सुशांत याला टॅटू मानेवर हवा होता. पण त्यानंतर पाठीवर अभिनेत्याने आईसाठी टॅटू काढला. सुशांतला असा टॅटू हवा होता जो त्याच्या आणि त्याच्या आईच्या नात्याला जवळून प्रतिबिंबित करेल.

काय होतं सुशांतच्या पाठीवर असलेल्या टॅटूचं महत्त्व?

सुशांतने स्वत: त्याच्या टॅटूबद्दल सोशल मीडियावर पोस्ट केलं होतं. टॅटूमध्ये एक त्रिकोणी वर्तुळ आहे आणि त्याच्या आत दुसरा त्रिकोण आहे. त्यामध्ये आई आणि तिच्या पोटात वाढणारे मूल यांचं चित्र आहे. टॅटूबद्दल सुशांत म्हणाला होता, ‘या टॅटूमध्ये पाच घटक आहेत, आई आणि मी. तुम्ही हा टॅटू नीट पाहिल्यास, तुम्हाला त्रिकोणाच्या मध्यभागी एक लहान मूल आणि आई देखील दिसेल.’ सुशांत कायम आईच्या आठवणीत सोशल मीडियावर पोस्ट शेअर करायचा.

सुशांत सिंह राजपूत याचा मृत्यू?

14 जून 2020 रोजी सुशांत याने वांद्रे येथील राहत्या घरी स्वतःला संपवलं. अभिनेत्याच्या मृत्यूनंतर सर्वत्र खळबळ माजली होती. सुशांत याच्या निधनानंतर चाहत्यांसह बॉलिवूडला देखील मोठा धक्का बसला होता. सुशांत याच्या निधनानंतर अनेक सेलिब्रिटींची चौकशी देखील करण्यात आली. पण सुशांत याने इतक्या टोकाचं पाऊल का उचलला? हे अद्यापही रहस्य आहे.