राजेश खन्नांनी डिंपलच्या बहिणीला म्हटलं होतं ‘कचरा’, ‘बदसूरत’ म्हणून केलं होतं रिजेक्ट, कारण ऐकून…

बॉलिवूडच्या इतिहासात डिंपल कपाडिया आणि राजेश खन्ना यांची प्रेमकहाणी आणि वैवाहिक आयुष्य नेहमीच चर्चेत राहिले आहे. मात्र, डिंपलची धाकटी बहीण सिंपल कपाडिया हिचाही चित्रपटसृष्टीशी जवळचा संबंध होता. अभिनेत्री म्हणून फार मोठे यश मिळवता आले नसले तरी पुढे कॉस्च्युम डिझायनर म्हणून तिने आपली वेगळी ओळख निर्माण केली.

डिंपल कपाडियाने अवघ्या 16 व्या वर्षी 1973 मध्ये राज कपूर यांच्या ‘बॉबी’ चित्रपटातून बॉलिवूडमध्ये पदार्पण केले. या चित्रपटात तिच्यासोबत ऋषी कपूर दिसले होते. त्यावेळी सिंपल बोर्डिंग स्कूलमध्ये शिकत होती. वर्तमानपत्रातून डिंपल आता चित्रपटात काम करणार असल्याचे समजल्यानंतर सिंपलला मोठा धक्का बसला होता.

‘माझे त्यांच्यासोबत कधीच जमले नाही’

डिंपलने राजेश खन्ना यांच्याशी लग्न केल्यानंतर सिंपलही त्यांच्यासोबत त्याच घरात राहत होती. ती गंमतीने स्वतःला ‘डिंपलच्या दहेजाचा हिस्सा’ म्हणायची. मात्र, डिंपल आणि राजेश खन्ना यांच्या वैवाहिक आयुष्यात सुरुवातीपासूनच अडचणी होत्या.

1986 मधील एका मुलाखतीत सिंपलने या नात्याबद्दल स्पष्टपणे भाष्य केले होते. एकाच घरात राहत असूनही डिंपल आणि राजेश खन्ना यांच्या नात्यातील समस्यांची गंभीरता आपल्याला कळली नव्हती, असे तिने सांगितले. तसेच, ‘माझे त्यांच्यासोबत कधीच जमले नाही’, असेही तिने स्पष्ट केले होते.

राजेश खन्ना यांना ‘मुश्किल व्यक्ती’ असे संबोधत सिंपलने ‘अनुरोध’च्या शूटिंगदरम्यानचा अनुभवही सांगितला. पहिला चित्रपट असल्याने ती प्रचंड घाबरलेली होती. मात्र, राजेश खन्ना यांनी तिला संवादांच्या रिहर्सलमध्येही मदत करण्यास नकार दिला. त्यामुळे ती जवळपास रडण्याच्या अवस्थेत पोहोचली होती.

दिग्दर्शक शक्ती सामंतांनी राजेश खन्नांना सुनावले

सिंपलच्या म्हणण्यानुसार, परिस्थिती पाहून ‘अनुरोध’चे दिग्दर्शक शक्ती सामंत यांनी हस्तक्षेप केला. त्यांनी राजेश खन्ना यांना स्पष्ट शब्दांत सुनावले की, ते सुपरस्टार असले तरी सिंपल त्यांच्या साली असण्यापेक्षा सेटवर एक नवोदित अभिनेत्री आहे आणि तिच्याशी आदराने वागले पाहिजे.

यानंतर राजेश खन्ना यांनी दिग्दर्शकांचे म्हणणे मान्य केले आणि सिंपलला सहकार्य केले. ‘डिंपलनंतर प्रेक्षकांनी तिच्या बदसूरत बहिणीला स्वीकारले नाही’, अशी टीका

‘अनुरोध’ अपयशी ठरल्यानंतर सिंपलला तिच्या दिसण्यावरूनही टीकेचा सामना करावा लागला. डिंपलच्या सौंदर्याशी तिची तुलना करत तिला ‘बदसूरत बहीण’ असेही म्हटले गेले.