Leonardo DiCaprio | ‘टायटॅनिक’ स्टार या भारतीय मॉडेलला करतोय डेट? दोघांच्या वयात 20 वर्षांचं अंतर
नीलमला नीता मुकेश अंबानी कल्चरल सेंटरच्या उद्घाटन सोहळ्यातही पाहिलं गेलं होतं. या सोहळ्यातील फोटो तिने तिच्या सोशल मीडियावर पोस्ट केले आहेत. याआधी ती भारतात डायर (Dior) या प्रतिष्ठित ब्रँडसाठी रॅम्प वॉक करताना दिसली होती.
मुंबई : हॉलिवूडचा लोकप्रिय चित्रपट ‘टायटॅनिक’ अनेकांना माहीतच असेल. यामध्ये अभिनेता लिओनार्डो डीकॅप्रियोने मुख्य भूमिका साकारली होती. या चित्रपटातील त्याच्या अभिनयाला आणि चित्रपटाला प्रेक्षकांकडून भरभरून प्रेम मिळालं होतं. सध्या लिओनार्डो त्याच्या खासगी आयुष्यामुळे चर्चेत आला आहे. लिओनार्डोचं नाव भारतीय वंशाची मॉडेल नीलम गिलशी जोडलं जातंय. या दोघांच्या वयात 20 वर्षांचं अंतर आहे. लिओनार्डो 48 तर नीलम 28 वर्षांची आहे.
पेज सिक्सच्या रिपोर्टनुसार नीलमला लंडनमधील चिल्टन फायरहाऊसमध्ये लिओनार्डोसोबत पाहिलं गेलंय. तेव्हापासूनच या दोघांच्या डेटिंगच्या चर्चांना उधाण आलंय. टायटॅनिक स्टारला डेट करणारी ही भारतीय वंशाची मॉडेल आहे तरी कोण, असा प्रश्न अनेकांना पडला आहे. तिच्याबद्दल जाणून घेण्यासाठी नेटकरी उत्सुक आहेत.
नीलम गिल ही भारतीय वंशाची मॉडेल असून तिचा जन्म 1995 मध्ये लंडनमध्ये झाला. तिचे आईवडील युकेमध्येच असतात. तर नीलमचे आजी-आजोबा भारतातील पंजाबमध्ये राहणारे होते. एका मुलाखतीत तिने तिच्या कुटुंबाविषयी खुलासा करत सांगितलं होतं की जेव्हा ती छोटी होती तेव्हा तिचे आई-बाबा विभक्त झाले. घटस्फोटानंतर वडिलांशी कोणताच संपर्क नसल्याचंही तिने सांगितलं. तर विभक्त झाल्यानंतर नीलमच्या आईने दुसरं लग्न केलं.
View this post on Instagram
नीलमने मॉडेलिंग विश्वात स्वत:ची वेगळी ओळख निर्माण केली आहे. ती स्वत:ला ब्रिटीश-पंजाबी मॉडेल मानते. अवघ्या 14 व्या वर्षी तिने मॉडेलिंगमधील करिअरची सुरुवात केली आहे. बर्बेरी कँपेनमध्ये पहिली भारतीय मॉडेल म्हणून तिने इतिहास रचला आहे. ती अमेरिकी लाइफस्टाइल रिटेलर एबरक्रॉम्बी अँड फिचचाही चेहरा होती.
नीलमला नीता मुकेश अंबानी कल्चरल सेंटरच्या उद्घाटन सोहळ्यातही पाहिलं गेलं होतं. या सोहळ्यातील फोटो तिने तिच्या सोशल मीडियावर पोस्ट केले आहेत. याआधी ती भारतात डायर (Dior) या प्रतिष्ठित ब्रँडसाठी रॅम्प वॉक करताना दिसली होती. लिओनार्डो याआधी मॉडेल आणि अभिनेत्री कॅमिला मोरोनेला डेट करत होता. या दोघांचं गेल्याच वर्षी ब्रेकअप झालं. जवळपास चार वर्षे हे दोघं रिलेशनशिपमध्ये होते.
