Lalbaugcha Raja : शान कुणाची? लालबागच्या राजाची! जयघोषाने मुंबई दुमदुमली…

मुंबईत २०२६ च्या गणेश विसर्जनाचा उत्साह मोठ्या जल्लोषात साजरा होत आहे. लाखो भाविकांच्या उपस्थितीत लालबागच्या राजाची भव्य विसर्जन मिरवणूक निघाली आहे. पारंपरिक वाद्यवृंद आणि ढोल-ताशांच्या गजरात शान कुणाची? लालबागच्या राजाची! या जयघोषाने संपूर्ण परिसर दुमदुमून जात आहे. मार्केट परिसरातील व्यावसायिक आणि व्यापाऱ्यांकडून लालबागच्या राजाला भव्य हार अर्पण केले जात आहेत. १२ दिवसांच्या विधिवत पूजेनंतर आता राजा विसर्जनासाठी मार्गस्थ झाला आहे.

याच सोहळ्यात परळच्या विघ्नहर्त्याची आकर्षक मूर्तीही लक्षवेधी ठरत आहे. सिद्धेश धिकोळे यांनी साकारलेली ही मूर्ती गणरायाच्या पारंपरिक लंबोदर रूपापेक्षा वेगळी असून, तिच्या विशिष्ट रचनेमुळे ती भाविकांमध्ये कुतूहल निर्माण करत आहे. लालबागच्या राजाची मिरवणूक अजूनही मार्केट परिसरातून मार्गस्थ होत असून, सायंकाळी चार वाजेपर्यंत ती स्थानिक परिसरातच राहणार आहे. मुंबईतील गणेश विसर्जनाचा हा सोहळा भक्ती आणि उत्साहाचे अनोखे दर्शन घडवत आहे.