Hathras Rape | अनिल देशमुखांचा योगी आदित्यनाथांवर हल्ला, चित्रा वाघ यांचा गृहमंत्र्यांवर निशाणा

मुंबई : उत्तर प्रदेशातल्या हाथरसमधील सामूहिक बलात्कार पीडितेचा आज उपचारांदरम्यान दुर्दैवी मृत्यू झाला. पीडितेला श्रद्धांजली देणारं ट्विट करताना महाराष्ट्राचे गृहमंत्री अनिल देशमुख यांनी उत्तर प्रदेशचे मुख्यमंत्री योगी आदित्यनाथ यांच्यावर शाब्दिक हल्ला चढवला. गृहमंत्र्यांच्या टीकेनंतर भाजप नेत्या चित्रा वाघ यांनी त्यांना प्रत्युत्तर देताना महाराष्ट्रातील कायदा सुव्यवस्थेची आठवण करून दिली. (Chitra Wagh Criticized home Minister Anil Deshmukh)

हाथरसमधल्या सामुहिक बलात्कारातील पीडितेला श्रद्धांजली अर्पण करताना, ‘फिल्म सिटी’ऐवजी ‘गुंडांपासून क्लिन सिटी’वर आपण भर दिलात तर माताभगिनींसाठी अधिक उपयुक्त ठरेल, असा निशाणा अनिल देशमुख यांनी योगींवर साधला. त्यावर “कोविड-क्वारंटाईन सेंटरमध्ये महिलांवर बलात्कार, विनयभंग केले जातात …कायदा सुव्यवस्थेचा बोजवारा उडालाय, त्यावर तुम्हाला ट्वट करावंसं वाटलं नाही का?”, असा सवाल चित्रा वाघ यांनी गृहमंत्र्यांना विचारला.

“गृहमंत्रीजी, हाथरसच्या घटनेचा आम्ही तीव्र निषेधच करतो. पण मला सांगा राज्यात अल्पवयीन मुलींवर सामुहीक बलात्कार करून खूनाचं सत्र सुरू आहे. कोविड-क्वारंटाईन सेंटरमध्ये महिलांवर बलात्कार होतायत, विनयभंग केले जातात, कायदा सुव्यवस्थेचा बोजवारा उडालाय… त्यावर तुम्हाला ट्विट करावंसं वाटलं नाही का?”, असा सवाल चित्रा वाघ यांनी ट्विट करत गृहमंत्र्यांना विचारला.

तत्पूर्वी, उत्तर प्रदेशातल्या हासरतमधील सामूहिक बलात्कार पीडितेचा दुर्दैवी मृत्यू झाला. त्यांना भावपूर्ण श्रद्धांजली. योगी आदित्यनाथजी गुन्हेगारांना शासन करा. पण ‘फिल्म सिटी’ऐवजी ‘गुंडांपासून क्लिन सिटी’वर आपण भर दिलात तर माताभगिनींसाठी अधिक उपयुक्त ठरेल, असा सल्ला अनिल देशमुख यांनी योगी आदित्यनाथ यांना दिला होता. तसंच यूपी की निर्भया को न्याय दो, असा हॅशटॅग देखील त्यांनी वापरला.

गृहमंत्री जी, हाथरसच्या घटनेचा आम्ही तिव्र निषेधचं करतो पण मला सांगा राज्यात अल्पवयीन मुलींवर सामुहीक बलात्कार करून खूनाचं सत्र सुरू. कोविड-क्वारंटाईन सेंटरमध्ये महिलांवर बलात्कार,विनयभंग केले जातात कायदा सुव्यवस्थेचा बोजवारा उडालायं त्यावर तुम्हाला ट्वीट करावंसं वाटलं नाही का? https://t.co/YOwXWNOZev

— Chitra Kishor Wagh (@ChitraKWagh) September 29, 2020

उत्तर प्रदेशातील घटनवरून महाराष्ट्रातील दोन नेते आमनेसामने आले. ट्विटरवरून त्यांच्यात शाब्दिक जुगलबंदी रंगली. याअगोदरही चित्रा वाघ-अनिल देशमुख यांच्यात कायदा सुव्यवस्थेच्या तसंच महिला सुरक्षेच्या मुद्द्यावरून ट्विटर वॉर रंगलं आहे.

(Chitra Wagh Criticized home Minister Anil Deshmukh)

संबंधित बातम्या

Amravati | प्रत्येक क्वारंटाईन सेंटरमध्ये CCTV लावा, अमरावतीच्या घटनेनंतर चित्रा वाघ यांची मागणी