Health : तुम्हालाही आहे Diabetes ? जेवल्यानंतर करा ‘ही’ एक गोष्ट, कायमची मिटेल कटकट!

मुंबई : सध्याच्या काळात डायबिटीसचे पेशंट मोठ्या प्रमाणात पाहायला मिळतात. एकदा डायबिटीस झाला की आयुष्यभर लोकांचा पाठलाग काही सोडत नाहीत. मोठे वैज्ञानिकही यावर ठोस असा इलाज शोधू शकलेले नाहीयेत. त्यामुळे डायबिटीस असलेल्यांना योग्य ती पथ्य पाळावी लागतात अन्यथा रक्तातील साखरेची पातळी नियंत्रणात राहत नाही आणि अन्य आजारांचा सामना करावा लागतो. त्यामुळे डायबिटीस पेशंटनी वेळेत औषधं घेऊन पथ्यं पाळणं गरजेचं आहे.

डायबिटीस असलेल्या लोकांनी जेवण केल्यानंतर लगेचच झोपू नये. यामुळे रक्तातील साखरेची पातळी वाढते. त्यामुळे रात्री जेवण केल्यानंतर डायबिटीस असलेल्यांनी 10 ते 15 मिनिटे चाललं पाहिजे कारण चालल्यामुळे शरीरात चरबी निर्माण होत नाही आणि लठ्ठपणा टळतो. सोबतच अनेक आजारांपासून संरक्षण होतं. तसंच रात्री जेवणानंतर 2 ते 3 तासांनी झोपा त्यामुळे तुमच्या शरीराला अनेक फायदे होतील.

कधीही उपाशी राहू नका डायबिटीस असलेल्यांनी सतत काहीना काही खात राहीलं पाहीजे. जर तुम्हाला तुमची रक्तातील साखरेची पातळी नियंत्रणात ठेवायची असेल तर कधीही उपाशी राहू नका. काही तासांचा गॅप ठेवत काहीना काही पदार्थ खाल्ले पाहिजेत. तसंच तुम्ही तुमच्या आहारात फळे, ड्रायफ्रूट्स, पालेभाज्या अशा हेल्थी पदार्थांचा समावेश केला पाहीजे.

व्यायाम करा डायबिटीस असलेल्या लोकांनी फक्त जेवण केल्यानंतर चालणं एवढंच पुरेसं नाहीये. अशा लोकांनी सकाळी उठल्यावर व्यायाम, योगासनं केली पाहिजेत. यामुळे तुमची ब्लड शुगर लेवल नियंत्रणात राहते आणि अन्य आजारांपासूनही बचाव होतो.