नको तो चमचा, हाताने खा! फायदे वाचाल तर हातानेच खाल

मुंबई: हाताने अन्न खाणे ही भारतीय संस्कृतीची ओळख आहे. पण बदलत्या काळात चमच्याने खाण्याची क्रेझ वाढली आहे, विशेषत: तरुण वयोगटातील लोकांना हे करायला आवडते, घरातील मोठ्यांनी कितीही समजावून सांगितले तरी ते त्यांना पटत नाही. आरोग्यतज्ञांच्या मते चमच्याऐवजी हाताने खाणे चांगले कारण यामुळे आरोग्यास अनेक फायदे होऊ शकतात.

हाताने खाण्याचे फायदे

1. हाताच्या साहाय्याने खाल्ल्यास स्नायूंचा व्यायाम होईल, कारण अशा प्रकारे खाल्ल्याने रक्ताभिसरण सुधारते आणि हातांचे सर्व सांधे मजबूत होतात. विशेषत: स्नायूंच्या लवचिकतेसाठी ही पद्धत चांगली आहे.
2. आयुर्वेदानुसार जेव्हा आपल्या हाताची बोटे तोंडाच्या वरच्या भागाला स्पर्श करतात तेव्हा पचनशक्ती सुधारते, याशिवाय चांगले बॅक्टेरिया हातांद्वारे पोटात जातात, ज्यामुळे आतड्यांना फायदा होतो.
3. मधुमेहाचा धोका कमी होतो : घाईगडबडीत खाल्ल्याने टाइप-२ मधुमेहाचा धोका वाढतो, हे अनेक संशोधनांमध्ये सिद्ध झाले आहे. सामान्यत: जे लोक चमच्याने खातात त्यांचा वेग हाताने खाणाऱ्यांपेक्षा जास्त असतो, ज्यामुळे रक्तातील साखरेची पातळी वाढते.
4. तुमचा हात एका उत्तम तापमान सेन्सरप्रमाणे काम करतो. जेव्हा आपण चमच्याच्या किंवा काट्याच्या साहाय्याने अन्न खातो तेव्हा ते किती गरम आहे हे आपल्याला सुरुवातीला माहित नसते. जेव्हा आपण अन्नाला स्पर्श करता तेव्हा आपल्या बोटांना माहित असते की आत्ता अन्न खाणे सुरक्षित आहे की नाही.
5. हाताने अन्न खाण्याचा जास्तीत जास्त फायदा तेव्हाच होतो जेव्हा तुमचे हात स्वच्छ असतील. यासाठी प्रत्येकवेळी जेवताना आपले हात चांगले धुवा, अन्यथा रोग पसरवणारे जंतू पोटात जातील आणि मग फूड पॉयझनिंगसारख्या समस्या उद्भवू शकतात.

(डिस्क्लेमर: येथे दिलेली माहिती घरगुती उपचार आणि सामान्य माहितीवर आधारित आहे. आम्ही या वृत्ताला दुजोरा देत नाही.)