Calcium: दुग्धजन्य पदार्थांविनाही मिळू शकते कॅल्शिअम, ‘या’ पदार्थांचे करा सेवन

Calcium:  कॅल्शिअम (Calcium) आपली हाडे आणि दात (bones and teeth) मजबूत ठेवण्याचे कार्य करते. त्यामुळे आपल्या शरीरातील कॅल्शिअमचं प्रमाण पूर्ण आहे की नाही हे जाणून घेणं अत्यंत गरजेचं आहे.

वयोमानानुसार (according to age) कॅल्शियमचे सेवन करावे, असे सांगितले जाते. तुम्ही 19 ते 50 वयोगटातील असाल तर तुम्हाला 2500 मिलीग्राम कॅल्शिअमची आवश्यकता असते. तर 50 वर्षांपेक्षा जास्त वयाच्या लोकांना 2000 मिलीग्राम कॅल्शिअमची आवश्यकता असते.

तज्ञांच्या सांगण्यानुसार, दुग्धजन्य पदार्थांमध्ये (dairy products) कॅल्शिअमचे प्रमाण जास्त असते, परंतु काही लोक व्हेगन (vegan) असतात. ते दुग्धजन्य पदार्थ खाणे टाळतात. आहारतज्ज्ञांच्या सांगण्यानुसार, डेअरी प्रॉडक्ट्स अथवा दुग्धजन्य पदार्थ न खाताही इतर पदार्थांचे सेवन करूनही शरीराला आवश्यक तितक्या प्रमाणात कॅल्शिअम मिळू शकते. ते पदार्थ कोणते, हे जाणून घेऊया.

नाचणी

नाचणी हे एक नॉन-डेअरी प्रॉडक्ट आहे, ज्यामध्ये कॅल्शिअम मुबलक प्रमाणात असते. नाचणी दळून ती गव्हाच्या पीठात ७: ३ या प्रमाणात मिसळून त्याचा वापर अन्न पदार्थांमध्ये करता येतो. याशिवाय तुम्ही ती (नाचणी) अंकुरित करूनही खाऊ शकता. नही खाऊ शकता. प्रथिने, कॅल्शियम, जीवनसत्त्वे, फायबर, कर्बोदकांमधे अशा सर्व पोषक तत्वांनी समृद्ध, असलेली नाचणीचे सेवन केल्याने आरोग्याला इतरही अनेक फायदे मिळतात.

तीळही  फायदेशीर

तज्ज्ञांच्या सांगण्यानुसार, ज्या लोकांना दुग्धजन्य पदार्थांचे सेवन करणे आवडत नाही, त्यांनी तीळाचे सेवन करावे. काळे किंवा पांढरे तीळ हे अशा लोकांसाठी कॅल्शिअमचा उत्तम पर्याय ठरू शकतत. त्याशिवाय या व्यक्ती तिळाच्या तेलात तयार केलेल पदार्थही खाऊ शकतात. 100 ग्रॅम तीळामध्ये सुमारे 975 मिलीग्राम कॅल्शियम असते, असे मानले जाते.

ओवा

ज्या व्यक्ती दुग्धजन्य पदार्थ खात नाहीत, त्यांना कॅल्शिअमची पूर्तता करायची असेल तर ते ओव्याचा आहारात समावेश करू शकतात. अशा व्यक्ती रोज ओव्याचे पाणी पिऊ शकतात. ओव्यामध्ये कॅल्शिअमव्यतिरिक्त पोटॅशिअम, सोडिअम यासारखे अनेक पोषक घटक मुबलक प्रमाणात असतात. आयुर्वेदातही ओव्याचे विशेष महत्व सांगण्यात आले आहे. पोटदुखीचा त्रास होत असल्यास ओवा खाण्यास सांगितले जाते. त्याने पोटाचे आरोग्य चांगले राहते.

( टीप- या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. ते अवलंबण्यापूर्वी तज्ज्ञांचा सल्ला जरूर घ्यावा. )