जेवणानंतर शतपावली करण्याचा फायदा की तोटा? जाणून घ्या

अनेकांना रात्री जेवलं की लगेच झोपण्याची सवय असते. अनेक लोक रात्री जेवणाच्या ताटावरुन उठलं की लगेच बेडवर झोपतात. पण, तुम्हाला माहिती आहे का की, जेवणानंतर फक्त 10 मिनिटे चाललं तरी तुमच्या आरोग्यासाठी खूप फायदेशीर ठरू शकतं. याविषयी पुढे विस्ताराने जाणून घेऊया.

अनेकदा लोक जेवणानंतर लगेच झोपणे किंवा बसणे पसंत करतात. अशा अनेक दुर्लक्षामुळे नवनवीन आजार निर्माण होत आहेत. खरं तर जेवल्यानंतर लगेच झोपून राहणं किंवा बराच वेळ एकाच जागी बसून राहणं अनेक गंभीर आजारांना आमंत्रण देतं.

जे लोक रात्री जेवल्यानंतर लगेच झोपतात, त्यांचे वजन वाढत राहते, ज्यामुळे शरीराभोवती जडपणा किंवा सूज येणे अशा अनेक समस्या उद्भवू लागतात. एखाद्या व्यक्तीच्या जीवनशैलीतील छोटे-छोटे बदलही त्याच्या आरोग्याला मोठा फायदा देऊ शकतात.

नवी दिल्लीच्या ईशान्य जिल्ह्याचे जनरल फिजिशियन आणि लसीकरण अधिकारी डॉ. पियुष मिश्रा यांच्या मते, रात्रीच्या जेवणानंतर चालण्याची सवय आपल्या दिनक्रमाचा भाग बनवा. काही पावले टाकली तरी अन्न खाल्ल्यानंतर चालल्याने वजन टिकून राहते आणि अनेक गंभीर आजारांवर मात करता येते.

पचनसंस्था चांगली करा

रात्री जेवल्यानंतर चालण्याच्या सवयीमुळे पचनक्रिया वेगवान होते आणि तुमची पचनसंस्था सक्रिय होते. त्याचबरोबर लहान आतड्यापर्यंत अन्न चांगल्या प्रकारे पोचण्यास मदत होते. रात्रीच्या जेवणानंतर नियमित चालण्याने बद्धकोष्ठता होत नाही. हे आतड्यांसंबंधी अ‍ॅक्टिव्हिटी वाढवते आणि आतड्यांसंबंधी हालचाली सुलभ करण्यास मदत करते. तसेच जेवल्यानंतर चालल्याने पोटात तयार होणाऱ्या अ‍ॅसिडचे उत्पादनही कमी होते, ज्यामुळे छातीत जळजळ, पोट फुगणे आणि अ‍ॅसिडिटीची समस्या कमी होते.

झोप चांगली लागते आजकाल खराब जीवनशैलीमुळे लोक अनेक तास अंथरुणावर पडून राहतात, तरीही त्यांना शांत झोप मिळत नाही. जर तुमची पचनक्रिया चांगली असेल तर तुम्हाला घबराट आणि अस्वस्थता येत नाही, त्यामुळे नाईट वॉक मुळे तुम्हाला चांगली झोप येऊ शकते. रात्रीच्या जेवणानंतर चालणे तुम्हाला शारीरिकदृष्ट्या तंदुरुस्त ठेवते आणि तुमचे मानसिक आरोग्यही चांगले राहते. या सवयीचा अवलंब केल्यास तुमच्या लक्षात येईल की, झोपताच तुम्हाला झोप येऊ लागेल.

वजन कमी करण्यासाठी उपयुक्त तुम्ही ऐकले असेल की चालण्यामुळे कॅलरी बर्न होतात आणि वजन कमी होण्यास बरीच मदत होते. होय, यात शक्ती आहे आणि म्हणूनच रात्रीच्या जेवणानंतर चालणे हा एक चांगला पर्याय आहे, ज्यामुळे वजन कमी होण्यास मदत होईल. वजन कमी करण्याबरोबरच नियमित चालण्याने शरीराचे चयापचय देखील वाढते, ज्यामुळे आपल्या शरीरात अधिक कॅलरी बर्न होतील.

हृदय निरोगी राहील चालण्यामुळे हृदयाशी संबंधित अनेक आजारांचा धोका कमी होतो. हे उच्च रक्तदाबाची पातळी कमी करण्यास मदत करते आणि खराब कोलेस्ट्रॉलची पातळी देखील नियंत्रित ठेवते. चालण्याने हृदय बळकट होते. त्यामुळे रात्री जेवल्यानंतर आपल्या रुटीनमध्ये फिरण्याचा समावेश करा.

किती वेळ चालायचे? सुमारे 10 मिनिटे चालल्याने पोट खराब होण्यासारख्या समस्यांपासून तुमचे संरक्षण होईल आणि इतरही अनेक फायदे मिळतील. दररोज 10 मिनिटे चालल्याने आपण सहजपणे 30 मिनिटांची शारीरिक क्रिया जमा करू शकता. पण रात्री जेवल्यानंतर 30 मिनिटांनी चालायला सुरुवात करा आणि फार वेगवान किंवा स्लो मोशनमध्ये नाही, तर 20 मिनिटे ते अर्धा तास नॉर्मल वॉक करणे आरोग्यासाठी उत्तम ठरू शकते.0

(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)