टेन्शन घेणे बंद करा अन्यथा वाढू शकतो लठ्ठपणा, स्ट्रेसमुळे अनेक आजारांचा धोका

नवी दिल्ली – साधारणत: खाण्यापिण्याच्या चुकीच्या सवयी आणि व्यायामाचा अभाव (no exercise) या गोष्टी लठ्ठपणासाठी (causes of obesity) कारणीभूत ठरू शकतात. मात्र वजन वाढण्याची इतरही अनेक कारणे असतात. काही औषधांचा दुष्परिणाम, पुरेशी झोप न घेणे आणि तणाव (stress can lead to weight gain) या गोष्टींमुळेही वजन वाढू शकते. काही अभ्यासांमध्ये असा दावा करण्यात आला आहे की ज्या लोकांच्या जीवनात अधिक ताण असतो त्यांचे वजनही वेगाने वाढू शकते व असे लोक लठ्ठपणाची शिकार होतात. ताणामुळे लठ्ठपणा कसा वाढतो, हे पाहूया.

जास्त ताण घेतल्यामुळे होते हे नुकसान

हार्मोनल असंतुलन वाढते

तणावामुळे अनेकदा शरीरातील हार्मोन्सची पातळी वाढते आणि हे हार्मोन्स वजन वाढवण्याचे काम करतात. कार्टिसोल हार्मोन्स पातळी वाढल्यामुळे शरीरावरील सूज वाढते आणि लोकांचे शरीर जाड दिसायला लागते.

मधुमेहाशी संबंधित समस्या वाढतात

जास्त ताण घेतल्यास आपल्या शरीरातील रक्तातील साखरेचे प्रमाण वाढू शकते, ज्यामुळे शरीराची सूज वाढू शकते. तसेच लठ्ठपणाही वाढतो.

थायरॉईडची समस्या होऊ शकते गंभीर

थायरॉइड ग्रंथी योग्य प्रकारे काम करत नसल्याने मेटाबॉलिज्म आणि पचनशक्तीही कमकुवत होते, ज्यामुळे वजन झपाट्याने वाढू शकते. वाढलेल्या वजनामुळे अनेक आजारांचा धोका वाढू शकतो.

शरीरात चरबी जमा होऊ शकते

तणावामुळे शरीरातील प्रोजेस्टेरॉनची (progesterone)पातळी कमी होते आणि त्यामुळे इस्ट्रोजेनची पातळी वाढते. एस्ट्रोजेनमुळे शरीरात चरबीची पातळी वाढू शकते. एकंदरच जास्त तणाव हा आपल्या शरीरासाठी नुकसनादायक ठरतो व वजनही वाढू शकते.

(टीप- संबंधित विकारांची प्राथमिक माहिती, लक्षणे, तसेच काय करता येईल, याची माहिती देण्याचा आमचा हा प्रयत्न आहे, पण कोणताही उपचार करण्याआधी संबंधित आजारातील, तज्ज्ञ डॉक्टरांचा सल्ला घ्या.)