Cm Uddhav Thackeray Corona Vaccination | सर्वात उत्तम लस म्हणजे तोंडावरील मास्क : मुख्यमंत्री

मुंबई : “लस आलीये म्हणजे आता काहीही होऊ शकतं, असा भ्रम काही जणांचा होऊ शकतो, पण असं नाहीये. लसीकरणाला आता सुरुवात होतेय. सर्वसामांन्यांना लस मिळेपर्यंत ठराविक वेळ लागणार आहे. ही लस किती प्रभावशाली आहे, ती किती परिणामकारक आहे, याबबात लस घेतल्यानंतरच माहिती होईल. लस आली आहे. मात्र सर्वात उत्तम लस म्हणजे आपल्या तोंड्यावर असलेला मास्क आहे”, असं मुख्यमंत्री उद्धव ठाकरे म्हणाले. मुख्यमंत्र्यांच्या उपस्थितीत बीकेसीत (BKC) लसीकरणाच्या कार्यक्रमाचा प्रारंभ करण्यात आला. यावेळेस ते बोलत होते. या कार्यक्रमाला शहराच्या प्रथम नागरिक महापौर किशोरी पेडणेकर आणि इतर मान्यवर उपस्थित होते. (The best vaccine is a face mask said chief minister uddhav thackeray at vaccination program in mumbai)

Launch of the state-wide COVID-19 vaccination program https://t.co/9fC8ow30qJ

— CMO Maharashtra (@CMOMaharashtra) January 16, 2021

लस आली म्हणजे मास्क घालणं सोडायचं नाहीये. लस घेतल्यानंतरही तुम्हाला मास्क घालणं बंधनकारक असणार आहे, असं मुख्यमंत्र्यांनी नमूद केलं. “कोरोनाचा शेवट करायचा आहे. जोपर्यंत कोरोना संपत नाही, तो पर्यंत सरकारकडून देण्यात येणाऱ्या सर्व सूचनाचं पालन करा”, असं आवाहनही मुख्यमंत्र्यांनी केलं.

कोरोना वॉरियर्सना मानाचा मुजरा

“जीवाची पर्वा न करता कोरोना बाधितांची सेवा करणाऱ्या कोरोना वॉरियर्सना मी मानाचा मुजरा करतो. कोरोना काळातील ते दिवस आठवल्यावर आताही शहारा येतो. हाताशी काहीच नसताना आपण पुढे काय करायचं, ही चिंता दिवस रात्र होती. या संकटाच्या काळात आपण सर्व आमच्या सोबत नसता तर आज हे कोव्हिड सेंटर अशा प्रकारे पाहायला मिळालं नसतं”, असं मुख्यमंत्र्यांनी नमूद केलं.

दरम्यान मुंबईत एकूण 9 केंद्रांवरील 40 बूथ सेंटरवर लसीकरण करण्यात येणार आहे.

संबंधित बातम्या : 

Corona Vaccination live : मुख्यमंत्री उद्धव ठाकरेंच्या हस्ते राज्यातील कोरोना लसीकरणाला प्रारंभ

आजारी पडलेले कोरोना योद्धे रुग्णालयातून परतलेच नाहीत; मोदींना अश्रू अनावर

(The best vaccine is a face mask said cm uddhav thackeray at vaccination program in mumbai)