Matcha ग्रीन टी म्हणजे काय? तुम्ही दररोज प्याल तर तुम्हाला मिळतील ‘हे’ फायदे

आजकाल सोशल मिडियावर आपण पाहतोच अनेक फॅशन ट्रेंडस व्हायरल होत असतात. त्याचप्रमाणेही खाण्यापिण्याचे ट्रेंड देखील सोशल मीडियावर व्हायरल होतात. आपल्यापैकी बहुतेक लोकं असे आहेत जे व्हायरल होत असलेले डाएट ट्रेंड त्यांच्या आहारात समाविष्ट करतात. अशातच आता सोशल मिडियावर माचा ग्रीन टी लोकप्रिय होत आहे. जो हिरव्या रंगाचा दिसतो आणि चवीला थोडा गोड आणि कडू असतो. पण तुम्हाला माहित आहे का की हा ट्रेंड होत असलेला ग्रीन टी फक्त ट्रेंडी पेय नाही तर आरोग्याचा खजिना आहे. हा ग्रीन टी प्यायल्याने तुमच्या शरीरात अनेक सकारात्मक बदल घडू शकतात. चला तर मग आजच्या लेखात आपण माचा ग्रीन टीच्या आरोग्यदायी फायद्या बद्दल जाणून घेऊयात…

माचा हा एक प्रकारचा ग्रीन टी आहे ज्यामध्ये हिरवी पानांची पावडर बारीक केली जातात. सामान्य ग्रीन टीमध्ये आपण पाने पाण्यात उकळवतो, तर माचामध्ये पानांची संपूर्ण पावडर वापर करून ग्रीन टी प्यायली जाते. हेल्थलाइनच्या मते, माचा ग्रीन टीमध्ये अँटीऑक्सिडंट्स असतात जे हृदयाच्या आरोग्यासाठी, वजन कमी करण्यासाठी आणि आरोग्यासाठी फायदेशीर असतात.

माचा ग्रीन टीमध्ये अँटीऑक्सिडंट्स, जीवनसत्त्वे अ, क, के, ई आणि बी कॉम्प्लेक्स, सेलेनियम, क्रोमियम, झिंक आणि मॅग्नेशियम असे अनेक पोषक घटक असतात. ही ग्रीन टी आरोग्यासाठी खूप फायदेशीर आहे. पण त्यात कॅफिनचे प्रमाण सामान्य ग्रीन टीपेक्षा जास्त असते.

हेल्थलाइनच्या मते, काही अभ्यासांमध्ये असे आढळून आले आहे की हा माचा ग्रीन टी यकृत निरोगी ठेवण्यासाठी फायदेशीर आहे. 2015 च्या एका अभ्यासात असे आढळून आले आहे की माचा ग्रीन टी प्यायल्याने यकृताच्या आजारांचा धोका कमी होतो. तर हेल्थलाइनच्या मते 2020 च्या एका अभ्यासात असे आढळून आले आहे की माचा ग्रीन टी नॉन-अल्कोहोलिक फॅटी लिव्हर रोग कमी करू शकते.

मॅचा ग्रीन टी आरोग्यासाठी खूप फायदेशीर आहे. त्यात कॅफिन आणि एलँटोइनचे प्रमाण जास्त असते, ज्यामुळे ते ऊर्जा आणि लक्ष केंद्रित करण्यास मदत करते. त्यात क्लोरोफिलचे प्रमाण जास्त असते, ज्यामुळे ते शरीराला विषमुक्त करण्यास मदत करते.

मॅचा ग्रीन टीमध्ये कॅलरीज कमी असतात आणि त्यात ल्युटीन आणि कॅटेचिन नावाचे पोषक घटक असतात जे शरीर निरोगी ठेवतात. तसेच यांच्या सेवनाने आपल्या शरीरातील चयापचय वाढवते ज्यामुळे वजन कमी होण्यास देखील मदत होते. वजन कमी करू इच्छिणाऱ्या लोकांसाठी ही ग्रीन टी सर्वोत्तम आहे.

माचा ग्रीन टी हृदयाच्या आरोग्यासाठी देखील फायदेशीर आहे. त्यात असलेले अँटीऑक्सिडंट्स कोलेस्ट्रॉल नियंत्रित करतात जे हृदयाचे आरोग्य चांगले ठेवण्यास मदत करतात. त्याचबरोबर रक्तदाब देखील नियंत्रित करते, म्हणून ज्यांचा रक्तदाब जास्त आहे त्यांच्यासाठी हे सर्वोत्तम पेय आहे.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)