पन्नाशीनंतर व्हिटामिन्स D आणि B12 ची गरज का वाढते ? या पदार्थांद्वारे कमतरता पूर्ण करा…

वाढत्या वयासोबत शरीरावर अनेक बदल दिसू लागतात. हाडाचे मजबूती, स्मरणशक्ती आणि रोग प्रतिकारक शक्ती यांच्यावर मोठा परिणाम दिसून येत असतो. खासकरुन पन्नाशीनंतर शरीर पोषक तत्वांना आधीसारखे सहज शोषून घेऊ शकत नाही, त्यामुळे आहाराकडे आणि पोषक तत्वांकडे नीट लक्ष देणे खास गरजेचे आहे. व्हिटामिन्स भलेही कमी प्रमाणात असले तरी शरीराला नीट चालवण्यात त्यांची भूमिका मोठी असते. योग्य व्हिटामिन्स मिळाल्याने न केवळ आजारांचा धोका कमी होतो, तर वय वाढल्यानंतरही शरीर एक्टिव्ह आणि फिट राहाते.

व्हिटामिन्स डीची गरज

knowridge च्या अहवालानुसार विचार करता आधी व्हिटामिन्स डीचा विचार केला असता. यास सनशाईन व्हिटामिन्स देखील म्हटले जाते. हे शरीरात तेव्हा बनते जेव्हा त्वचा उन्हाच्या संपर्कात येते. परंतू वय वाढल्यानंतर शरीराची ही क्षमता कमी होत जाते. त्यामुळे वयस्कांमध्ये याची कमतरता जास्त जाणवते. व्हिटामिन्स डीचे मुख्य काम कॅल्शियमचे शोषण करणे हे असते. कॅल्शियम हाडांना मजबूत करण्यासाठी गरजेचे असते. याच्या कमतरतेने हाडे कमजोर होऊ शकतात आणि फ्रॅक्चरचा धोका वाढतो. संशोधनानुसार पुरेसे व्हिटामिन घेतल्याने ऑस्टियोपोरोसिसची जोखीम कमी होऊ शकते.

कॅल्शियम आणि व्हिटामिन्स B12 ची गरज

कॅल्शियम देखील पन्नाशीनंतर गरजेचे असते. वयासोबत हाडांचे घनत्व कमी होत जाते. आणि महिलांना मोनोपॉझ नंतर ही प्रक्रिया वेगवान होते. दूध, दही, पनीर आणि हिरव्या पालेभाज्यात कॅल्शियम चांगले असते. याशिवाय व्हिटामिन्स बी-१२ चे महत्व देखील खास असते. हे मेंदूचे कार्य व्यवस्थित करते. आणि तांबड्या पेशींच्या निर्मितीत मदत करते. वय वाढल्यानंतर शरीरात बी १२ ची शोषण कमी होत जाते. ज्यामुळे थकवा, कमजोरी आणि विस्मृतीशी संबंधित समस्या होऊ शकतात.

व्हिटामिन्स C आणि E गरज

व्हिटामिन्स सी इम्युन सिस्टीमला मजबूत करण्यात महत्वाची भूमिका निभावते. हे शरीराच्या डागडुजीला मदत करते. त्वचेला आरोग्यदायी बनवते. संत्री, स्ट्रॉबेरी, किवी आणि ब्रोकोली सारख्या खाद्य पदार्थ व्हिटामिन्स सीचा पुरवठा करतात. व्हिटामिन ई एक शक्तीशाली एंटीऑक्सिडेंट असून ते पेशींना नुकसानी पासून वाचवते. तसेच व्हिटामिन्स के रक्ताच्या गुठळ्या बनने आणि हाडांना मजबूत करण्यास मदत करते. पालक, ब्रोकोली सारख्या भाज्यात हे खूप मोठ्या प्रमाणात आढळते.