अमेरिकेत हाहाकार, डोनाल्ड ट्रम्प यांना झटका, ज्याची भीती तेच घडले, तब्बल 90..

अमेरिकेचे अध्यक्ष डोनाल्ड ट्रम्प यांचे लक्षण म्हणजे मेलेल्याच्या टाळूवरचे लोणी खायचे आहे. नुकताच एक धक्कादायक माहिती पुढे आली, ज्याने अमेरिकेत भूकंप आला. डोनाल्ड ट्रम्प किती जास्त भयंकर आहेत, हे त्यावरून स्पष्ट होतंय. डोनाल्ड ट्रम्प आणि त्यांच्या सल्लागाराने या वर्षाच्या पहिल्या तीन महिन्यात (90 दिवस) तब्बल 3700 हून अधिक शेअर व्यवहार केला. या रिपोर्टनंतर डोनाल्ड ट्रम्प यांच्या अडचणीत वाढ झाली असून त्यांची या प्रकरणात चाैकशी होणार आहे. या व्यवहाराने वॉल स्ट्रीटमधील अनुभवी लोकांना मोठा धक्का बसला. वॉशिंग्टनमधील हितसंबंधांच्या संघर्षाबद्दलची चिंता चांगलीच वाढली आहे. डोनाल्ड ट्रम्प यांचे हे पाऊल अत्यंत धोकादायक असल्याचे बोलले जात आहे. ब्लूमबर्गच्या रिपोर्टनुसार, अमेरिकेतली काही मोठ्या टेक, मिडिया, फायनान्स कंपन्याचा समावेश आहे.

लाखो डॉलर्सच्या व्यापाराची उलाढाल उघडकीस आली आहे. या वर्षाच्या जानेवारी ते मार्च दरम्यान ट्रम्प यांनी दररोज सरासरी 40 टक्क्यापेक्षा जास्त व्यवहार केले. शेअर बाजारातील तज्ज्ञ या डेटामुळे आश्चर्यचकित झाले आहेत. शेअर बाजार तज्ज्ञ मॅथ्यू टटल म्हणाले की, हा एक अत्यंत मोठा व्यवहार आहे. एखाद्या हेज फंडाने मोठ्या प्रमाणावर अल्गो ट्रेड्स करण्यासारखेच आहे.

उघड झालेल्या माहितीनुसार, डोनाल्ड ट्रम्प यांनी मायक्रोसॉफ्ट, बोईंग, एनव्हिडिया, ओरॅकल, कॉस्टको यासारख्या कंपन्यांचे 10 लाख अमेरिकी डॉलर्स किमतीचे शेअर्स खरेदी केले. यासोबतच त्यांनी ॲमेझॉन, मेटा, उबर, ईबे, ॲबॉट लॅबोरेटरीज, एटी अँड टी आणि डॉलर ट्री या कंपन्यांसोबतही मोठे व्यवहार केले. डोनाल्ड ट्रम्प यांनी कायद्याचे उल्लंघन केल्याचा आरोप होत आहे. ज्याने गंभीर चिंताही व्यक्त केली जात आहे.

इराण आणि अमेरिका युद्धाने जग वैतागले आहे. सर्वच शेअर बाजार ढासळत आहेत. मात्र, याच संधीचा फायदा घेत डोनाल्ड ट्रम्प यांच्याकडून मोठ्या प्रमाणात शेअर्सची खरेदी करण्यात आली. या व्हायरल रिपोर्टने खळबळ उडाली. अमेरिकेत एकच हाहाकार उडाला. अमेरिकेत युद्धामुळे मोठी महागाई वाढली आहे. मात्र, डोनाल्ड ट्रम्प स्वत:चा फायदा कसा होईल, यावर भर देत आहेत. अमेरिकेतील महागाईची मला कोणतीही चिंता नसल्याचे बोलताना डोनाल्ड ट्रम्प दिसले होते.