या देशात सगळे इंधन संपले, पसरला गुडूप अंधार, टीव्हीवर लाईव्ह येते मंत्र्याने केली घोषणा, आमच्या हाती…

कॅरेबियन समुद्र किनाऱ्यावरील छोटासा देश क्युबाचा पेट्रोल, डिझेल आणि इंधनाचा साठा संपला आहे. त्यामुळे संपूर्ण देशात अंधकार पसरला आहे. क्युबाची हालत इतकी खराब आबे की राजधानी हवाना सह अनेक भागात रोज २० ते २२ तास वीज गायब असते आणि सगळी शहरे अंधारात बुडाली आहेत. लोकांचे जीवन या ब्लॅक आऊटमुळे वाईटरित्या प्रभावित झाले आहे. सततच्या वीज कपातीने लोकांच्या संतापाचा पारा वाढला आहे.अनेक शहरात लोक शहरातील रस्त्यांवर उतरले आहेत आणि सरकार विरोधात निदर्शने करत आहेत.

वीज कपातीच्या संकटामुळे क्युबाच्या रुग्णालयाती ऑपरेशनची कामे रोखण्यात आली आहेत. मुलांना शिकवणे अडचणी झाले आहे. अनेक कारखाने बंद पडण्याच्या वाटेवर आहेत. याच बरोबर सार्वजनिक परिवहन आणि आवश्यक सेवांना देखील या संकटाचा मोठा फटका बसला आहे. ज्यामुळे सर्वसामान्य लोकांची जीवन अक्षरश: नरका समान झाले आहे.

ऊर्जा मंत्र्यांनी केले हात वर , लाईव्ह येऊन केली घोषणा

त्याच वेळी या अडचणींमध्ये क्युबाचे ऊर्जा मंत्री विसेंटे डे ला ओ लेव्ही यांनी टीव्हीवर लाईव्ह येऊन स्पष्ट केले की देशाकडे आता डिझेल आणि इंधनाचा कोणताही साठा शिल्लक नाही. आमच्या हातात आता काहीच नाही असे ते म्हणाले. त्यांनी पुढे सांगितले की संपूर्ण वीज पुरवठा हा केवळ स्थानिक कच्चे तेल आणि नैसर्गिक गॅसच्या भरोशाने चालला होता. इंधनाच्या अपुऱ्या पुरवठ्याने वीज यंत्रणा संपूर्ण क्षमतेने काम करत नाहीए. त्यामुळे सरकार मोठ्या अडचणीत सापडले आहे.

या कारणाने बुडाला क्युबा

क्युबाच्या सरकारने आता या वीज संकटासाठी अमेरिकेचे कठोर आर्थिक निर्बंध आणि तेल निर्बंधांना जबाबदार ठरवले आहे. जानेवारी २०२६ मध्ये अमेरिकन प्रशासनाने क्युबाला तेल पुरवणाऱ्या त्या कंपन्या आणि जहाजांवर कारवाईचा इशारा दिला होता. त्यानंतर Pemex सह अनेक पुरवठादारांनी तेल पाठवणे बंद केले आहे, ज्यामुळे क्युबाचा ऊर्जा पुरवठा व्यवस्था ठप्प झाली असून देश अंधारात बुडाला आहे. व्हेनेझुएला दीर्घकाळापासून क्युबाला स्वस्तात तेल पुरवठा करत होता. परंतू साल २०२६ पासून झालेल्या राजकीय बदल आणि अमेरिकेच्या कारवाईने हा पुरवठा देखील बंद झालेला आहे.