मोठी बातमी! अमेरिकेत खळबळ, ट्रम्प थोडक्यात बचावले, व्हाइट हाऊस परिसरात अंदाधुंद गोळीबार
Video: अमेरिकेची राजधानी वॉशिंग्टन डीसीमध्ये, व्हाईट हाऊसजवळ गोळीबार झाल्याच्या वृत्तामुळे सुरक्षा यंत्रणांनी तात्काळ कारवाई केली आहे. सिक्रेट सर्व्हिस या परिसरात तपास आणि सुरक्षा मोहीम राबवत आहे. एफबीआयचे संचालक काश पटेल यांनी सांगितले की, एफबीआयदेखील घटनास्थळी उपस्थित आहे.
अमेरिकेतील व्हाईट हाऊस परिसराजवळ पुन्हा एकदा गोळीबाराची घटना समोर आली आहे. गोळीबाराच्या वेळी अमेरिकेचे राष्ट्राध्यक्ष ट्रम्प हे तिथेच उपस्थित होते, असे सांगण्यात येत आहे. अमेरिकन सिक्रेट सर्व्हिसने दिलेल्या माहितीनुसार, शनिवारी संध्याकाळी १७ व्या स्ट्रीट आणि पेनसिल्व्हेनिया अव्हेन्यू भागात एका व्यक्तीने आपल्या बॅगमधून शस्त्र काढले आणि गोळीबार सुरू केला. सिक्रेट सर्व्हिस पोलिसांनी प्रत्युत्तरादाखल गोळीबार केला, ज्यामध्ये संशयिताला गोळी लागली. त्याला रुग्णालयात नेण्यात आले, तिथे त्याचा मृत्यू झाला. या गोळीबारात एका रस्त्यावरून जाणाऱ्या व्यक्तीला गोळी लागली आहे.
मीडिया रिपोर्ट्सनुसार, शनिवारी तिथे काम करणाऱ्या पत्रकारांना अनेक गोळ्यांचे आवाज ऐकू आले. त्यानंतर त्यांना प्रेस ब्रीफिंग रूममध्ये जाण्यास सांगण्यात आले आणि नंतर अमेरिकन सिक्रेट सर्व्हिसच्या अधिकाऱ्यांनी त्यांना बाहेर जाण्यापासून रोखले.
#WATCH | Security tightened around the area after shots were fired near the White House grounds.
(Source: Reuters) pic.twitter.com/1nIOR3TVnr
— ANI (@ANI) May 23, 2026
अमेरिकन सिक्रेट सर्व्हिसची माहिती
सिक्रेट सर्व्हिसने सांगितले की त्यांना व्हाईट हाऊसपासून एक ब्लॉक दूर, १७ व्या स्ट्रीट आणि पेनसिल्व्हेनिया अव्हेन्यू एनडब्ल्यू (NW) जवळ गोळीबाराची माहिती मिळाली आहे आणि ते घटनास्थळी उपस्थित कर्मचाऱ्यांकडून माहितीची पुष्टी करण्याचा प्रयत्न करत आहेत.
एफबीआय (FBI) संचालक काश पटेल यांचे विधान
एफबीआयचे संचालक काश पटेल यांनी सोशल मीडियावरील एका पोस्टमध्ये म्हटले आहे की, अधिकारी गोळीबाराच्या माहितीवर कारवाई करत आहेत आणि शक्य तितक्या लवकर ते जनतेला अपडेट देतील. काश पटेल यांनी सांगितले की, सिक्रेट सर्व्हिससोबत एफबीआयदेखील घटनास्थळी उपस्थित आहे.
व्हाईट हाऊसमध्ये उपस्थित होते ट्रम्प
गोळीबाराच्या वेळी अमेरिकेचे राष्ट्राध्यक्ष डोनाल्ड ट्रम्प हे व्हाईट हाऊसच्या आत उपस्थित होते. सध्या ते सुरक्षित असल्याची माहिती देण्यात आली आहे. मात्र, अद्याप कुणीही जखमी झाल्याची अधिकृत पुष्टी झालेली नाही. वॉशिंग्टनच्या मेट्रोपॉलिटन पोलिसांनीही अद्याप या प्रकरणावर कोणतीही सविस्तर माहिती दिलेली नाही. सुरक्षा यंत्रणा या परिसराचा तपास करत असून आजूबाजूच्या हालचालींवर बारीक लक्ष ठेवून आहेत.
