1000 रुपयांना आलं आणि 30 रुपयाला अंडे, महागाईने पाकिस्तानमध्ये उपासमारीची वेळ
पाकिस्तानमध्ये (Pakistan) महागाईने उच्चांक गाठलाय. महागाईच्या वणव्यात होरपळणारी जनता अगदी त्रासून गेलीय.
इस्लामाबाद : पाकिस्तानमध्ये (Pakistan) महागाईने उच्चांक गाठलाय. महागाईच्या वणव्यात होरपळणारी जनता अगदी त्रासून गेलीय. सर्व सामान्य नागरिकांना स्वयंपाक करणं देखील अवघड झालंय. पाकिस्तानमध्ये कोंबड्या आणि मांसाची (Chicken and Meat) किंमत अचानक वाढलीय. त्यामुळे लोक पंतप्रधान इमरान खान (Pak PM Imran Khan) यांना लक्ष्य करत आहे. मांसाशिवाय अंडे (Eggs) आणि आल्याचे (Ginger) दरही गगनाला भिडले आहेत. रावळपिंडीत (Rawalpindi) अंड्याच्या किमती 350 रुपये प्रति डझन झाल्यात, तर आल्याची किंमत 1000 रुपये प्रति किलो झालीय (Huge Price hike in Pakistan People are angry on Imran Khan Government).
बिघडलेल्या आर्थिक स्थितीत पाकिस्तानमध्ये आधीच धान्य आणि पिठाची कमतरता होतील. आता स्वयंपाक घरातील इतर वस्तू देखील महागल्याने सर्वसामान्य हैराण आहेत. पाकिस्तानमधील ARY न्यूजने दिलेल्या वृत्तानुसार, कराचीत जिवंत कोंबड्याची किंमत 370 रुपये प्रति किलो आणि मांस 500 रुपये प्रति किलो झालंय. त्यामुळेच पाकिस्तानमधील जनतेच्या मनात या महागाई विरोधात असंतोष आहे.
बाहेर देशातून वस्तूंची आयात करण्याचा विचार
पाकिस्तानमध्ये कच्चा माल आणि चाऱ्याच्या किमतीत मोठ्या प्रमाणात वाढ झाल्याने कोंबड्या आणि अंड्याच्या किमतीत वाढ झाल्याचं सांगितलं जातंय. सध्या पोल्ट्री चालकांचा खर्च अधिक होत असल्याने किमती वाढल्या आहेत. काही दिवसात या किमती कमी होतील असा दावा स्थानिक विक्रेत्या संघटनांनी केलाय.
पाकिस्तानमध्ये घरगुती गॅसचाही तुटवडा
मागील काही दिवसांमध्ये पंजाब आणि खैबर पख्तूनख्वामधून अनेक भ्रष्टाचाराच्या तक्रारी आल्यानंतर इमरान खान यांनी चलनवाढ रोखण्यासाठी बाजार समित्याच बरखास्त केल्या. त्यातच मास आणि भाजीपालाही महागला. याशिवाय पाकिस्तानमध्ये लोकांना घरगुती गॅसही मिळेनासा झालाय. 2021 च्या सुरुवातीपासूनच पाकिस्तान गॅस तुटवड्याचा सामना करत आहे.
‘साखरेचे दर’ कमी करण्याला इमरान खान सरकारचं यश मानतात
पाकिस्तानमधील महागाईने सर्वसामान्यांचे कंबरडे मोडले आहे. दुसरीकडे इमरान खान साखरेचे दर 102 रुपयांवरुन 81 रुपये केल्याचं श्रेय घेत स्वतःच्या सरकारचं कौतुक करण्यात गुंग आहेत. त्यामुळे अशा स्थितीत सर्वसामान्यांना दिलासा कसा मिळणार हाच प्रश्न आहे.
हेही वाचा :
1 अंडे 30 रुपयाला, साखर 81 रुपये किलो, पाकिस्तानात 1 किलो मटणाचा दर किती?
भारत आणि पाकिस्तानमधील संसदेत काय फरक? राज्यसभा-लोकसभेऐवजी पाकमध्ये ‘या’ संस्था
व्हिडीओ पाहा :
Huge Price hike in Pakistan People are angry on Imran Khan Government
