चीनने ज्याचा विचार केला नाही तेच भारताने केले, मोठा दणका, थेट लडाखच्या दाव्यावर..
चीन आणि भारताचे संबंध मागील काही दिवसांचा विचार करता सुधारली आहेत. मात्र, पुन्हा चीनने भारताविरोधात भूमिका घेण्यास सुरूवात केली. भारतानेही चीनला मोठा दणका देत तोंडावर पाडल्याचे बघायला मिळत आहे.
चीनची दुटप्पी भूमिका बघायला मिळत आहे. चीन एकीकडे भारताला चांगला मित्र सांगतो. यासोबतच ज्यावेळी भारतावर मोठा टॅरिफ अमेरिकेने लावला, ज्यावेळी भारताच्या बाजूने चीन ठामपणे उभा होता. भारतात झालेल्या परिषदेत चीनचे अध्यक्ष शी.जिनपिंग उपस्थित राहिले. मात्र, आता दुसऱ्या बाजूला भारताविरोधात काट्या करण्यास चीनने सुरूवात केली. लडाखबद्दल पायाखालची जमीन सरकणारा दावा चीनने केला. लडाख हा चीनचा भाग असल्याचा दावा चीनकडून करण्यात आला. चीनच्या या दाव्याने दोन्ही देशातील संबंध तणावात येऊ शकतात. यासोबतच अरूणाचल प्रदेशमध्ये अगोदरच तणाव हा बघायला मिळतोय. त्यातच लडाखबद्दल हैराण करणारे विधान चीनकडून करण्यात आले. चीनच्या या विधानाला भारताने सडेतोड उत्तर देत त्यांना त्यांची जागा दाखवली आहे. चीन परराष्ट्र मंत्रालयाचे प्रवक्ते माओ निंग यांनी बीजिंगमध्ये एका पत्रकार परिषदेत म्हटले, चीनने भारताद्वारे एकतर्फी आणि बेकायदेशीरपणे तयार केलेल्या तथाकथित केंद्र शासित प्रदेश लडाखला कधीही मान्यता दिलीच नाही.
भारताच्या परराष्ट्र मंत्रालयाने स्पष्टपणे नमूद केले आहे की, लडाख हा केंद्रशासित प्रदेश भारताचा अविभाज्य आणि अतूट भाग आहे. चीनने कितीही वेळा हे नाकारले तरीही वस्तूस्थिती काही बदलू शकत नाही किंवा बदलणार नाही. लडाखच्या अधिकृत नकाशावर 28 ठिकाणे आणि भौगोलिक वैशिष्ट्ये दर्शवण्याबाबत चीनने दिलेल्या प्रतिक्रियेला उत्तर म्हणून भारताने हे विधान केले आहे.
परराष्ट्र मंत्रालयाने म्हटले की, ज्या प्रसिद्धीपत्रकाचा संदर्भ दिला जात आहे. ते गृह मंत्रालयाने जारी केलेले असून ते स्वतःच सर्व काही स्पष्ट करणारे आहे. सर्व्हे ऑफ इंडियाच्या अधिकृत नकाशावर केंद्रशासित प्रदेश लडाखमधील 28 ठिकाणे आणि भौगोलिक वैशिष्ट्ये ही त्यांच्या प्रमाणित नावांनी दर्शविण्यात आली आहेत.
अधिकृत नकाशांवर या ठिकाणांची अधिकृतपणे नोंद करणे, त्यांची अचूक ओळख सुनिश्चित करणे आणि त्याबाबत जनजगृती करणे हा याचा उद्देश आहे, असल्याचेही म्हटले. गेल्या काही दिवसांपासून चीन शांत होता. मात्र, आता पुन्हा भारताचा डिवचण्याचे काम चीनने सुर केल्याचे बघायला मिळतंय. चीनच्या या भूमिकेनंतर भारताने चीनची कान उघडणी करून चांगलेच सुनावले आहे. अरूणाचल प्रदेशमध्येही चीनकडून असेच प्रकारे केले जात आहेत. अरूणाचल प्रदेशचा भाग चीनकडून दाखवला जातो.
