हे कदापिही सहन करणार नाही, भारत भडकला, थेट खडेबोल सुनावत..

मध्य पूर्वेत मोठा तणाव आहे. होर्मुज खाडीत जहाजांवर हल्ला करून जहाज बुडवली जात आहेत. यादरम्यानच भारताने आंतरराष्ट्रीय मंचावर होर्मुज खाडीत होणाऱ्या जहाजांवरील हल्ल्यावर जोरदार टीका केली. संयुक्त राष्ट्रामध्ये भारताचे प्रतिनिधी पार्वथानेनी हरीश यांनी होर्मुज खाडीत जहाजांना टार्गेट करून होणाऱ्या हल्ल्यांविरोधात आवाज उठवला. हे हल्ले कोणत्याही परिस्थितीमध्ये स्वीकारले जाणार नसल्याचेही त्यांनी म्हटले. सुरक्षित मार्ग जहाजांना देत आंतरराष्ट्रीय कायद्याचा सन्मान केला पाहिजे, असेही त्यांनी म्हटले. काही दिवसांपूर्वीच दोन जहाज बुडवण्यात आले. ओमान समुद्रहद्दीजवळ भारतीय ध्वज असलेल्या जहाजावर हल्ला 13 मे 2026 रोजी करण्यात आला. हे जहाज सोमालिया येथून भारताच्या दिशेने येत होते. ओमानकडून मिळालेल्या माहितीनुसार, या जहाजावरील कर्मचाऱ्यांना वाचवण्यात यश मिळाले. मात्र, भारतीय जहाजावर नक्की कोणी हल्ला केला, याबाबत काही माहिती मिळू शकली नाही.

भारताने त्यावेळीच या हल्ल्याचा जोरदार निषेध केला. धक्कादायक बाब म्हणजे हे तिसरे जहाज आहे, ज्याच्यावर भारतीय ध्वज असतानाही हल्ला करण्यात आला. होर्मुज खाडीच्या आसपास भयंकर संकट आहे. 28 फेब्रुवारी 2026 रोजी इराणवर अमेरिका आणि इस्त्रायलने मोठा हल्ला केला. या हल्ल्यानंतर एकच खळबळ उडाली. तेव्हापासून होर्मुज खाडी बंद आहे.

होर्मुज खाडी बंद असल्याने ऊर्जेचे संकट आहे. आंतरराष्ट्रीय व्यासपीठावर होर्मुज खाडीत जहाजांवर होणाऱ्या हल्ल्याविरोधात भारताने जाहीर भूमिका घेत हे सहन केले जाणार नसल्याचे स्पष्ट सांगितले. होर्मुज खाडीत तणाव इतका जास्त वाढला आहे की, थेट जहाजांवर हल्ले केले जात आहेत. होर्मुज खाडी ठप्प आहे.

अमेरिकेला हे युद्ध 4 आठवडे चालेल असे वाटत होते. मात्र, इराण आणि अमेरिका युद्धाला 12 आठवडे होत आहेत. मात्र, दोन्ही देश मागे हटताना दिसत नाहीत. या युद्धात जागतिक बाजारावर परिणाम होत आहे. युद्ध जर काही दिवस असेच चालत राहिले तर जगाला मोठ्या संकटाचा सामना करावा लागेल. इराणकडून काही दिवसांपूर्वीच अमेरिकेला एक प्रस्ताव देण्यात आला. मात्र, तो प्रस्ताव अमेरिकेने नाकारला.