रशियाचा भारताला मोठा धक्का, ज्याची भीती तेच घडले, चीनबाबत अत्यंत मोठा निर्णय, लवकरच..

डोनाल्ड ट्रम्प तीन दिवसाच्या चीन दाैऱ्यावर होते. यादरम्यान अनेक बैठका झाल्या. काही मुद्द्यात चीन आणि अमेरिकेत एकमत झाले. गेल्या काही वर्षांपासून चीन आणि अमेरिकेचे संबंध तणावात होती. अखेर दोन्ही देश एकत्र येत त्यांनी चर्चा केली. चीनने स्पष्ट सांगितले की, आम्ही इराणकडून तेल खरेदी करणार आहोत, त्याला अमेरिका देखील सहमत झाली. मात्र, इराणला चीनने शस्त्र पुरवठा करू नये, याकरिता अमेरिका आग्रही राहिली. इराण हा चीनच्या मोठा शस्त्र खरेदीदार देश आहे. मात्र, इराणला अमेरिकेने शस्त्र पुरवठा बंद करावा, ही अमेरिकेची भूमिका आहे. डोनाल्ड ट्रम्प यांच्या चीन दाैऱ्यानंतर रशिया देखील कामाला लागला. रशियाचा अध्यक्ष व्लादिमीर पुतिन देखील लवकरच चीनच्या दाैऱ्यावर जाणार आहेत. त्यांच्या या दाैऱ्याची जवळपास सर्व तयारीही पूर्ण झाल्याची माहिती आहे.

क्रेमलिनचे प्रवक्ते दिमित्री पेस्कोव यांनी म्हटले की, पुतिन यांचा चीन दाैरा जवळपास निश्चित आहे. दोन्ही देशांची तयारी पूर्ण झाली. चीन आणि रशिया यांच्यातील संबंध गेल्या काही वर्षांपासून मजबूत होताना दिसत आहेत. रशियाबाबत अमेरिकेची भूमिका जगालाही माहिती आहे. रशियाकडून अमेरिकेच्या दबावानंतरही चीन तेल खरेदी करत आहे.

पुतिन आणि शी जिनपिंग यांच्यात आतापर्यंत तब्बल 40 पेक्षा जास्तवेळा भेट झाली आहे. गेल्याच वर्षी सप्टेंबर 2025 मध्ये त्यांची शेवटची भेट झाली. युक्रेनसोबतच्या युद्धात चीनने रशियासोबत काही मोठे करार केले. डोनाल्ड ट्रम्प आणि शी जिनपिंग यांच्या भेटीनंतर तात्काळ पुतिन देखील चीनच्या दाैऱ्यावर जाणार आहेत. गेल्या वेळी पुतिन यांच्यासोबतच भारताचे पंतप्रधान नरेंद्र मोदी हे देखील चीनच्या दाैऱ्यावर होते.

पुतिन पुढच्या महिन्यातच चीनच्या दाैऱ्यावर येणार असल्याची माहिती मिळत आहे. मात्र, तारीख अजून जाहीर करण्यात आली नाही. चीन आणि रशियाची वाढणारी मैत्री भारतावर नक्कीच परिणाम करणारी आहे. भारत आणि रशियातील मैत्री अनेक वर्षांची आहे. भारताच्या प्रत्येक वाईट आणि चांगल्या काळात भारताची साथ रशियाने दिली. भारतही रशियाच्या वाईट काळात त्यांच्यासोबत उभा होता. मात्र, पुतिन यांचा हा दाैरा भारतासाठी चिंताजनक आहे.