होर्मुझ पुन्हा बंद, इराणचा सर्वात भयंकर डाव, अमेरिकेचं जहाज दिसताच…जगाला हादरवणारं सत्य अखेर बाहेर!

Strait Of Hormuz : होर्मुझच्या खाडीत इराण आणि अमेरिका यांच्यातील संघर्षाचे नवे पर्व सुरू झाले आहे. इस्रायल आणि हेजबोला यांच्यात शस्त्रसंधी झाल्यानंतर इराणने होर्मुझची खाडी सुरू केली होती. परंतु जोपर्यं युद्धबंदीचा पूर्ण करार होत नाही, तोपर्यंत आमच्याकडून होर्मुझ सामुद्रधुनीतील तसेच इराणी बंदरांवरील नाकेबंदी कायम राहील, अशी भूमिका घेतली. त्यानंतर अमेरिकेच्या या भूमिकेनंतर इराणने होर्मुझची सामुद्रधुनी पुन्हा एकदा बंद केली आहे. इराणच्या या भूमिकेनंतर आता जगापुढे इंधन टंचाईचे नवे संकट निर्माण झाले असून इराणचा अमेरिकेसोबतचा संघर्ष आणखी तीव्र होण्याची शक्यता आहे. दरम्यान, इराणने खरंच होर्मुझची सामुद्रधुनी बंद केली आहे का? असा प्रश्न उपस्थित केला जात होता. असे असतानाच सोशल मीडियावर इराणच्या नौसेनेची एक ऑडिओ क्लीप व्हायरल होत आहे. या क्पीपमुळे इराणच्या मनात नेमके काय चालेल आहे, याचा अंदाज लावला जातोय.

व्हायरल झालेल्या क्लीपमध्ये नेमके काय आहे?

सोशल मीडियावर एक ऑडिओ क्लीप व्हायरल होत आहे. या क्लीपमध्ये इराणी नौसेनिक एक संदेश देताना दिसत आहेत. या संदेशात आमच्या सर्वोच्च नेत्याकडून जेव्हा आदेश येईल तेव्हाच आम्ही होर्मुझची सामुद्रधुनी खुली करू, असे एक नौसेनिक बोलताना दिसत आहे. “आम्ही इराणच्या नेव्ही चॅनेल-16 वरून बोलत आहोत. होर्मुझची सामुद्रधुनी बंद आहे. एखाद्या मुर्खाच्या सांगण्यावरून नव्हे तर आमचे सर्वोच्च नेते इमाम मोजतबा खामेनेई यांच्या आदेशानंतरच ती खुली केली जाईल,” असे या ऑडिओ क्लीपमध्ये ऐकायला येत आहे.

शत्रूंच्या जहाजांना टार्गेट करू

तसेच तुम्हाला होर्मुझच्या सामुद्रधुनीतून जायचे असेल तर अगोदर इराणच्या नौसेनिकांकडून तुम्हाला परवानगी घ्यावी लागेल. आमचे शत्रू तसेच आमच्या शत्रूंशी संबंध असलेल्या जहाजांना टार्गेट करू, असा इशाराही दिलेला पाहायला मिळतो आहे.

अमेरिका नेमकं काय करणार?

दरम्यान, इराणच्या आयआरजीसी नौसेने आमच्या परवानगीशिवाय होर्मुझच्या सामुद्रधुनीतून प्रवेश केल्यास हल्ला केला जाईल, असा इशारा दिला आहे. त्यामुळे आता इराणच्या या भूमिकेवर अमेरिका नेमके कोणते पाऊल उचलणार, युद्ध आणखी भडकणार का? याकडे जगाचे लक्ष लागले आहे.