इराणचा जगाला झोप उडवणारा इशारा, थेट जगच संकटात, मोठा हाहाकार…

अमेरिका आणि इराणच्या युद्धात जग तणावात आहे. जगावर मोठं संकट आले. मात्र, तरीही हे युद्ध थांबण्याचे नाव घेत नाही. इराणकडून इतरही देशांचे तेल जहाज उडवले जात आहेत. गॅस आणि तेलाचे संकट सर्वच देशांवर आहे. इराणवर हल्ला करून अमेरिकेलाही फटका बसलाच. इराण आणि अमेरिका युद्ध आता हळूहळू समुद्राकडे पोहोचले आहे. इराणकडून अमेरिकेवर दबाव आणण्याकरिता महत्वाचा समुद्री मार्गही बंद करण्यात आला. इराण हा होर्मुझच्या सामुद्रधुनीचा ताबा घेत आहे. ज्यामुळे याचा आता थेट तेल आणि वायूच्या किंमती वाढल्या असून वाहतूक ठप्प आहे. तेलाच्या किमती गगणाला पोहोचल्या आहेत. इराण अजून मोठा निर्णय घेण्याच्या तयारीत असून जर इराणकडून हा निर्णय घेण्यातच आला तर जगाच्या तोंडचे पाणी पळेल. एका वरिष्ठ इराणी लष्करी अधिकाऱ्याने स्पष्ट संकेत दिले की, अमेरिकेने धोरणात्मक चूक केली तर अराण सागरी ऑपरेशन्स दुसऱ्या महत्वाच्या जलमार्गांकडे वळवेल.

इराणच्या या इशाऱ्यांने जगाची झोप उडवली. इराणी अधिकाऱ्याने अल जझीरासोबत बोलताना म्हटले की, अमेरिकेने चुकीचे पाऊल उचलले तर होर्मुजच्या सामुद्रधुनीत दुसरा संघर्ष निर्माण होऊ शकतो. लवकरच एका मोठ्या प्रादेशिक युद्धात रूपांतरित होऊ शकते आणि इराणकडे अजूनही बरेच पत्ते शिल्लक आहेत. अजूनही होर्मुजचा सागरीमार्ग बंद पडलेला आहे.

बाब अल-मंडेबला इराणचे दुसरे होर्मुझ मानले जाते. इराणकडून जर तो समुद्री मार्ग बंद करण्यात आला तर जगाच्या हातात काहीच शिल्लक राहणार नाही. अंदाजे 26 किलोमीटर रुंदीचा हा जलमार्ग येमेन आणि जिबूती दरम्यान आहे. लाल समुद्राच्या दक्षिणेकडील प्रवेशद्वारावर आहे. जर तो बंद झाला तर आखाती तेल उत्पादक देशांना तेल निर्यात करण्यासाठीचा शेवटाचाही मार्ग बंद होऊ शकतो.

आता होर्मुजची सामुद्रधुनी बंद असल्याने बाब अल-मंदेब आखाती देशांसाठी आणखी महत्त्वाचा बनले आहे. सौदी अरेबिया सध्या लाल समुद्रातील बंदरे आणि पूर्व-पश्चिम पाइपलाइनद्वारे काही तेल निर्यात सुरू ठेवण्याचा प्रयत्न करीत आहे. बहुतेक तेल आशियाई बाजारपेठांसाठी निर्यात केले जाते आणि येमेनमधून जाते. जर खरोखरच इराणकडून हा समुद्रीमार्ग बंद करण्यात आला तर मोठी खळबळ उडेल.