Israel Palestine War : इस्राईलमधून भारतासाठी सर्वात मोठी दिलासादायक बातमी
Israel hamas War : इस्रायल आणि हमास या दशतवादी संघटनेमध्ये सध्या युद्ध सुरु आहे. जगातील सर्व लोकांचं लक्ष याकडे लागले आहे. अनेक पर्यटक इस्राईलमध्ये अडकल्याची भीती व्यक्त होत आहे. यामध्ये भारतीय पर्यटकांची संख्या ही अधिक आहे.
इस्रायलमध्ये भारतीय आयटी व्यावसायिकांची संख्या मोठी आहे. यासोबतच मोठ्या संख्येने विद्यार्थी तेथे शिक्षणासाठी जातात. भारतीय वंशाचे 85 हजार ज्यूही इस्रायलमध्ये राहतात. 1950-60 च्या दशकात भारतातून मोठ्या संख्येने ज्यू इस्रायलमध्ये गेले होते.
भारतीय पर्यटकांचा दूतावासाशी संपर्क
इस्रायलमध्ये राहणारे सर्व भारतीय सुरक्षित असल्याची माहिती सरकारी सूत्रांकडून मिळाली आहे. पाच भारतीय पर्यटकांनी सुरक्षित परतण्यासाठी भारतीय दूतावासाशी संपर्क साधला आहे. इस्रायलमधील भारतीय दूतावासाने भारतीय लोकांना सतर्क राहण्यास सांगितले आहे. इस्रायलमध्ये भारतीय विद्यार्थ्यांची संख्या 900 च्या आसपास आहे.
हमास आणि इस्लामिक जिहादच्या 500 ठिकाणांवर हल्ले
इस्रायली लष्कराने शनिवारी आणि सोमवारी सकाळी गाझा पट्टीमध्ये 500 हून अधिक हमास आणि इस्लामिक जिहाद ठिकाणांवर हल्ला केला. इस्रायली लष्कराचे प्रवक्ते रिअर अॅडमिरल डॅनियल हगरी यांनी सांगितले की, गाझा सीमेवर सहा ठिकाणी चकमक सुरू आहे. रविवारी रात्री 70 दहशतवाद्यांनी बेरीमध्ये घुसखोरी केली. त्यापैकी बहुतेक सैनिकांशी लढताना मरण पावले.
गाझामध्ये जमिनीवर चकमक सुरू असल्याचे इस्रायली लष्कराने म्हटले आहे. हमासची लष्करी क्षमता नष्ट करण्यासाठी इस्रायली गाझामध्ये घुसले आहेत. गाझामधील हमासची राजवट संपुष्टात आणण्याच्या लढाईत एक लाख इस्रायली सैनिक सहभागी होणार आहेत.
