जगाला ज्याची प्रतिक्षा ती गुड न्यूज आलीच, अमेरिका इराण युद्ध थांबणार, इस्त्रायलचे पंतप्रधान नेतान्याहू यांचे थेट विधान, लवकर..

अमेरिका आणि इराण युद्धाला 20 दिवस पूर्ण झाली. ज्यावेळी हे युद्ध सुरू झाले होते, त्यावेळी अमेरिकेने हे युद्ध नक्की किती दिवस चालेल याबद्दल थेटपणे सांगितले. मात्र, सध्याची परिस्थिती बघता युद्ध लवकर संपण्याचे फार काही संकेत नाहीत. इस्त्रायलचे पंतप्रधान बेंजामिन नेतान्याहू यांना इराणने हल्ल्यात ठार केल्याचे सांगितले जात होते. त्यानंतर नेतान्याहू यांनी सोशल मीडियावर एक व्हिडीओ शेअर केला. या व्हिडीओमध्ये ते स्वत: आपण जिवंत आहोत सांगताना दिसले. यासोबतच नेतान्याहू यांनी या युद्धात अमेरिकेला ओढल्याचे सांगितले जाते. त्यावरही स्पष्टपणे बोलताना नेतान्याहू दिसले. इस्त्रायलकडून थेट इराणच्या गॅस प्रकल्पांवर हल्ला करण्यात आला. त्यानंतर यूएई आणि कतारच्या गॅस प्रकल्पांना टार्गेट करत मोठा हल्ला इराणकडून करण्यात आला. इराणवर मोठे हल्ले होत आहेत. मात्र, इराण अजिबातच मागे हटताना दिसत नाहीये. इस्त्रायल ज्यापद्धतीने हल्ले करत आहे, त्यापेक्षा घातक हल्ले इराण इस्त्रायलवर करत आहे.

इराणकडून या युद्धात होर्मुज खाडी बंद करण्यात आली. ही खाडी सर्वच देशांकरिता बंद करण्यात आली असे नाही. अमेरिका, इस्त्रायल आणि या देशांना समर्थन देणाऱ्या देशांकरिता इराणकडून होर्मुज खाडी बंद करण्यात आली. ही खाडी बंद असल्याने जग संकटात आहे. तेलाच्या किमतीमध्ये मोठी वाढ झाली. आखाती देशांमध्येही इराणकडून मोठे हल्ले केले जात आहेत.

इस्त्रायलचे पंतप्रधान बेंजामिन नेतान्याहू यांनी नुकताच एक पत्रकार परिषदेमध्ये बोलताना अनेक गोष्टींवर थेटपणे भाष्य केले. विशेष म्हणजे जगातून इराण आणि अमेरिका युद्ध थांबवण्याची विनंती केली जात आहे. इराणसोबतचे युद्ध नक्की कधी थांबणार यावर बोलताना बेंजामिन नेतान्याहू दिसले आहेत. त्यांनी थेट यावर भाष्य केले.

बेंजामिन नेतान्याहू यांनी म्हटले की, सर्वांनाच हे युद्ध थांबवावे वाटत आहे. हे युद्ध लवकरचे संपेल असे मोठे विधान बेंजामिन नेतान्याहू यांनी केले. या युद्धाचा फटका फक्त अमेरिका, इराण आणि इस्त्रायलला बसत नाही. पूर्ण जग या युद्धामुळे संकटात आल्याचे बघायला मिळत आहे. जागतिक बाजारपेठे या युद्धामुळे संकटात आहे.