Sunita Williums : NASA कडून झटका, अवकाशात अडकलेल्या सुनीता विलियम्स संदर्भात एक निराशाजनक बातमी
Sunita Williums : अवघ्या दोन आठवड्याच्या मिशनसाठी भारतीय वंशाची अमेरिकन अंतराळवीर सुनीता विलियम्स अवकाशात गेली होती. इंटरनॅशनल स्पेस स्टेशनवरच हे मिशन होतं. पण सुनीता विलियम्स आता तिथे अडकून पडली आहे. तिला पृथ्वीवर सुरक्षित परत आणण्याच नासासमोर चॅलेंज आहे. त्यासाठी नासाकडून वेगवेगळ्या पर्यायांचा विचार सुरु आहे.
भारतीय वंशाची अमेरिकन अंतराळवीर सुनीता विलियम्स अवकाशात अडकून पडली आहे. सुनीत पृथ्वीवर सुरक्षित कधी परतणार? हाच प्रश्न अनेकांच्या मनात आहे. सुनीता विलियम्सच्या पृथ्वीवर परतण्याची प्रतिक्षा वाढतच चालली आहे. सुनीता विलियम्ससोबत बुच विल्मोर हा अंतराळवीर सुद्धा आहे. NASA कडून जी माहिती देण्याता आलीय, त्याने मोठा झटका बसला आहे. दोन महिन्यापूर्वी 5 जूनला बोइंगच्या स्टारलायनर यानाने 13 दिवसाच्या म्हणजे दोन आठवड्यांच्या मिशनसाठी सुनीता अवकाशात गेली होती. आता दोन महिने होत आले, तरी अजून ती पृथ्वीवर परतलेली नाही. आपल्या दोन्ही अंतराळवीरांना पृथ्वीवर सुरक्षित आणण्यासाठी नासा स्टारलायनर यानाशिवाय दुसऱ्या पर्यायांचा सुद्धा विचार करत आहे. हे दोन्ही अंतराळवीर इंटरनॅशनल स्पेस स्टेशनवर आहेत.
सुनीता विलियम्स आणि बुच विल्मोरला पृथ्वीवर परतण्यासाठी आणखी काही महिन्यांची प्रतिक्षा करावी लागू शकते. स्टारलायनर अंतराळवीर सुनीता विलियम्स आणि बुच विल्मोरला अवकाशातून पृथ्वीवर परत आणण्यासाठी सर्व पर्यायांचा विचार केला अशी माहिती नासाने रात्री उशिरा दिली. “NASA ने ज्या पर्यायांचा विचार केला, त्यात असा सुद्धा एक पर्याय आहे की, फेब्रुवारी 2025 पर्यंत दोन्ही अवकाशवीरांना परत आणायचं” नासाच्या एका अधिकाऱ्याने मीडियाशी बोलताना ही माहिती दिली. हा पर्याय अंतिम झाला, तर नासा स्टारलायनर ऐवजी एलन मस्कच्या स्पेसएक्सने दोन्ही अंतराळवीरांना पृथ्वीवर आणेल.
पृथ्वीवर परत आणण्याचा दुसरा पर्याय काय ?
कमर्शियल क्रू प्रोग्रामचे व्यवस्थापक स्टीव स्टिच यांनी सांगितलं की, “बुच आणि सुनीताला स्टारलायनरने परत आणण्याचा नासाकडे पहिला पर्याय आहे. पण असं होऊ शकलं नाही, तर आमच्याकडे बरेच दुसरे पर्याय आहेत” “नासाच क्रू 9 ला अवकाश मिशनवर पाठवण्यासाठी स्पेसएक्स सोबत मिळून काम सुरु आहे. सुनीता विलियम्स आणि बुच विल्मोरचा क्रू 9 मध्ये समावेश करण्याचा आमचा प्रयत्न आहे” असं स्टीव स्टिच यांनी सांगितलं.
LIVE: Listen in for the latest updates on @Space_Station operations and @BoeingSpace‘s #Starliner Crew Flight Test mission. https://t.co/97eN6i7IrS pic.twitter.com/nWlCpa4dnq
— NASA (@NASA) August 7, 2024
क्रू 9 मिशन काय आहे?
दोघांना सुरक्षित परत आणण्यासाठी नासाच्या रणनितीचा त्यांनी खुलासा केला. क्रू 9 मिशन नासाने सुरु केलं, तर पुढच्यावर्षीपर्यंत थांबाव लागेल. म्हणजे सुनीता विलियम्स आणि बुच विल्मोर 2025 मध्ये पृथ्वीवर परत येतील. क्रू 9 साठी आम्ही दोन अंतराळवीर येथूनच पाठवू. सुनीता विलियम्स आणि बुच विल्मोर क्रू9 टीमचा भाग बनून त्यांच्यासोबत अवकाश तळावर काम करतील. मग फेब्रुवारी 2025 मध्ये चारही अंतराळवीरांना परत आणण्यात येईल. नासाने अजूनपर्यंत या प्लानला मंजुरी दिलेली नाही असं नासाच्या अधिकाऱ्याने सांगितलं.
