Nepal flood update: नेपाळ पुराबाबत मोठी अपडेट! चीनने लपवली माहिती, लोकांशी बोलण्यासही मनाई
Nepal flood latest update: नेपाळमधील पुरामुळे मृतांची संख्या ६०० च्या जवळ पोहोचत आहे. तर चीनने केवळ ५ लोकांच्या मृत्यूची आकडेवारी जाहीर केली आहे. चीनदेखील या आपत्तीबद्दलची संपूर्ण माहिती लपवत आहे.
नेपाळमध्ये बुधवारी झालेल्या भीषण पूर आपत्तीमुळे मृतांची संख्या वाढून 600वर पोहोचली आहे. तसेच दोन हजार लोक बेपत्ता झाल्याची माहिती समोर आली आहे. भारतातीलही शेकडो लोकांशी संपर्क तुटला आहे. ही आपत्ती चीनमधूनच सुरू झाली होती, पण चीनने आतापर्यंत केवळ पाच लोकांच्या मृत्यूची बाब सांगितली आहे. चीन आपत्तीपेक्षा जास्त सूचनांवर नियंत्रण ठेवत आहे. त्याने आतापर्यंत केवळ पाच लोकांच्या मृत्यूची बातमी सांगितली आहे. तो मृतांची खरी आकडेवारीही जाहीर करत नाही. तर नेपाळमधील झालेल्या आपत्तीवरून अंदाज लावता येतो की चीनमध्येही अशाच प्रकारचा विनाश झाला असेल.
खरी गोष्ट लपवत आहे चीन
द गार्डियनच्या अहवालानुसार चीनचे मीडियाही या आपत्तीबाबत शांत आहे. काही लोक ग्राउंडवर रिपोर्ट करायला जातात, तरी ते तिथल्या लोकांशी आणि पीडितांशी बोलत नाहीत. रिपोर्टर स्वतः आपली गोष्ट सांगतो आणि चीनच्या प्रयत्नांची पाठ थोपटतो. तर सामान्य लोकांशी कोणताही संवाद साधला जात नाही. अशा प्रकारे चीन संपूर्ण सूचनांवर नियंत्रण ठेवत आहे.
पत्रकारांशीही बोलू शकत नाहीत तिबेटी
चीन नेहमीच तिबेटवर दावा करत असतो. पण तिथेली तिबेटचे लोक आपली स्वायत्तता आणि स्वातंत्र्याची मागणी करत आहेत. तिबेटमध्ये कोणत्याही आंतरराष्ट्रीय रिपोर्टरला जाण्याची परवानगी नाही. तर पत्रकारांशी बोलल्याबद्दल तिबेटच्या लोकांना शिक्षा दिली जाते. तिबेटमध्ये भाषा आणि संस्कृतीवर हल्ला केल्याबद्दल आंतरराष्ट्रीय स्तरावर चीनची निंदा होते.
समोर आलेल्या माहितीनुसार चीनने मदत-बचाव टीम रवाना केली, पण ते तिथे काय करत आहेत हे सांगितले नाही. चीनच्या मीडियाने इतके नक्की सांगितले होते की मदत-बचाव कामासाठी शी जिनपिंग यांनी एक उच्चस्तरीय बैठक घेतली होती. तर पंतप्रधान ली कियांग यांनी प्रभावित क्षेत्राचा दौराही केला होता.
ग्लेशियरवर नजर ठेवत आहेत अधिकारी
नेपाळच्या हवामान विभागाच्या अधिकाऱ्यांनी सांगितले आहे की ते आता आणखी दोन ग्लेशियरवर नजर ठेवण्याचा प्रयत्न करत आहेत. हे ग्लेशियर त्याच ग्लेशियरजवळ आहेत, ज्याच्या फुटण्याने बुधवारी भयानक पूर आला होता.
