Pakistan : ज्याची भिती तेच घडणार… जगाला हादरवणारी घोषणा, अखेर महायुद्ध होणार, पाकिस्तानची खुमखुमी
Afghanistan-Pakistan Conflict : फेब्रुवारी पासून पाकिस्तान आणि अफगाणिस्तानमधील सीमा तणावात तीव्र वाढ झल्याचे दिसत आहे. आता दोन्ही बाजूंनी हल्ले होत आहेत, ज्यामुळे जीवितहानी आणि तळांचे अतोनात नुकसान होत आहे.
शुक्रवारी पाकिस्तानने अफगाणिस्तानची राजधानी काबूल आणि दक्षिणेकडील कंदहार शहरासह अनेक भागात हवाई हल्ले केल्याने पाकिस्तान आणि अफगाणिस्तानमधील तणाव वाढला. अफगाण सैन्याने अलिकडच्या हवाई हल्ल्यांना प्रत्युत्तर म्हणून पाकिस्तानी सीमा चौक्यांवर हल्ला केला होता असा दावा तालिबान सरकारने केला त्यानंतर ही कारवाई करण्यात आली. यानंतर, पाकिस्तानचे संरक्षण मंत्री ख्वाजा आसिफ यांनी अफगाण तालिबानविरुद्ध ‘खुले युद्ध’ घोषित केलं.
काबूल, पक्तिया प्रांत आणि कंधारमध्ये “अफगाण तालिबानच्या संरक्षण स्थानांना” लक्ष्य करण्यात आल्याची माहिती पाकिस्तानचे माहिती मंत्री अत्तुल्लाह तरार यांनी सोशल मीडियावर दिली होती. तर पाकिस्तानच्या संरक्षणमंत्र्यांनी काबूलविरुद्ध “खुले युद्ध” घोषित केले, एवढंच नव्हे गृहमंत्री मोहसिन नक्वी यांनी “तालिबानच्या उघड आक्रमणाला योग्य प्रत्युत्तर” असंही म्हटलं.
काबूलमध्ये जवळपास 2 तास लढाऊ विमानांचे आवाज, जोरदार धमाके आणि गोळ्यांचा खडखडाट ऐकायला येत होता. तालिबानचा सर्वोच्च नेता हिबतुल्लाह अखुंदजादा याचा बालेकिल्ला मानल्या जाणाऱ्या कंधारमध्येस, पत्रकारांनीही जेट विमानांचा आवाज ऐकल्याची पुष्टी केली.
पाकिस्तानच्या हल्ल्यानंतर तालिबानचे प्रत्युत्तर
तालिबान सरकारचे प्रवक्ते जबीहुल्लाह मुजाहिद यांनी पाकिस्तानी हवाई हल्ल्यांना दुजोरा दिला, परंतु कोणतीही जीवितहानी झाली नाही असे सांगितले. मात्र त्यांनी यापूर्वीच सीमेवर “मोठ्या प्रमाणात प्रति-हल्ला” सुरू करण्याची घोषणा केली होती. जमिनीवरील चकमकीत त्यांचे आठ सैनिक मारले गेले असे अफगाण संरक्षण मंत्रालयाने सांगितलं होतं.
133 अफगाणी सैनिक मारल्याचा पाकचा दावा
पाकिस्तानी हल्ल्यात 133 अफगाण सैनिक मारले गेले आणि 200 हून अधिक सैनिक जखमी झाले असं पाकिस्तानी मंत्री अताउल्लाह तरार यांनी X वर ट्विट केलं होतं. पाकिस्तानी सैन्याने 27 अफगाण चौक्या उद्ध्वस्त केल्या आणि अजूनही नऊ पाकिस्तानचा कब्जा आहे. पाकिस्तान सरकारने असाही दावा केला आहे की त्यांनी 80 हून अधिक अफगाण टँक, तोफखाना आणि इतर उपकरणे नष्ट केली. पाकिस्तानच्या हवाई हल्ल्यानंतर, अफगाणिस्तानने सकाळी 5:30 वाजता स्पिन बोल्दाक-चमन सीमेवर आणि हेलमंड-बारमचा सीमेवर पाकिस्तानवर आणखी एक हल्ला केला. अफगाणिस्तान आता सीमेवरील आठ सेक्टरमध्ये पाकिस्तानशी लढत आहे.
