युद्ध सुरू असतानाच डोनाल्ड ट्रम्प यांना मोठा दणका, भारताचा शत्रू करणार अमेरिकेचा गेम, खळबळ उडवणारी माहिती समोर

अमेरिका आणि इराण यांच्यात सुरू असलेल्या युद्धादरम्यान डोनाल्ड ट्रम्प यांची झोप उडवणारी माहिती समोर आली आहे. अमेरिकेचे राष्ट्राध्यक्ष ट्रम्प यांची समर्थक आणि राष्ट्रीय गुप्तचर विभागाच्या संचालिका तुलसी गेबार्ड यांनी पाकिस्तानबाबत मोठे विधान केले आहे. बुधवारी त्यांनी सांगितले की, अमेरिकेसाठी पाकिस्तानही एक मोठा अणु धोका आहे. पाकिस्तानसोबतच त्यांनी रशिया, चीन आणि उत्तर कोरियाचाही उल्लेख केला. एका ब्रीफिंगदरम्यान तुलसी गॅबार्ड यांनी हे देश सक्रियपणे नवीन क्षेपणास्त्र वितरण प्रणाली विकसित करत आहेत. या प्रणालींमध्ये अणु आणि पारंपरिक अशा दोन्ही प्रकारचे वॉरहेड्स समाविष्ट आहेत, ज्यामुळे अमेरिका त्यांच्या मारक क्षमतेच्या कक्षेत येते असं विधान केले आहे. त्यामुळे ट्रम्प यांची झोप उडाली आहे.

पाकिस्तानकडून अमेरिकेला धोका

तुलसी गॅबार्ड म्हणाल्या की, ‘गुप्तचर विभागाच्या आकलनानुसार रशिया, चीन, उत्तर कोरिया, इराण आणि पाकिस्तान विविध प्रकारच्या नवीन, प्रगत किंवा पारंपरिक क्षेपणास्त्र वितरण प्रणालींवर संशोधन आणि विकास करत आहेत. यात अणु आणि पारंपरिक दोन्ही प्रकारचे पेलोड समाविष्ट आहेत, आणि ते आमच्या देशाला त्यांच्या मारक श्रेणीत आणतात.’ हा अमेरिकेसाठी मोठा धोका आहे. तुलसी यांनी असेही म्हटले आहे की, उत्तर कोरिया, रशिया आणि चीनसोबत अमेरिकेचे संबंध मजबूत करण्यावर भर दिला जात आहे.

इराणची सत्ता कमकुवत झाली

तुलसी गॅबार्ड यांनी सिनेटसमोर सादर केलेल्या लिखित निवेदनात म्हटले आहे की, ‘ऑपरेशन मिडनाइट हॅमरनंतर इराणचा अणु समृद्धीकरण कार्यक्रम पूर्णपणे नष्ट झाला होता आणि त्यानंतर त्याला पुन्हा सुरू करण्याचा कोणताही प्रयत्न झालेला नाही. 28 फेब्रुवारीपासून सुरू झालेल्या युद्धानंतर इराणची सत्ता कमकुवत झाली आहे, मात्र ती अजूनही टिकून आहे. इराण आणि त्याचे सहयोगी मध्य पूर्वेत अमेरिकेवर आणि मित्रदेशांवर हल्ला करण्यास अजूनही सक्षम आहेत.

पुढे बोलताना तुलसी गॅबार्ड यांनी म्हटले की, ‘इराणची सत्ता टिकून आहे, पण ऑपरेशन एपिक फ्युरीमुळे ती मोठ्या प्रमाणात कमकुवत झाली आहे.’ यानंतर गॅबार्ड यांनी इराणविरोधात अमेरिका आणि इस्रायलने संयुक्तपणे केलेल्या लष्करी कारवाईची माहितीही दिली.