पाकिस्तानच्या बाताच बड्याबड्या! ‘BLA’ च्या दहशतवाद्यांपुढे अख्खी पाकसेना दुबळी, अजुनही ट्रेन हायजॅक

क्वेटा येथून पेशावरला जाणाऱ्या पॅसेंजर ट्रेनवर दहशतवाद्यांनी गोळीबार केला आणि बलुचिस्तानच्या बोलन जिल्ह्याजवळ तिचे अपहरण केले. दरम्यान, बंधक प्रवाशांची सुटका करण्यासाठी पाकिस्तानी लष्कर रेस्क्यू ऑपरेशन राबवत आहे. बलोच लिबरेशन आर्मीने (BLA) या हल्ल्याची जबाबदारी स्वीकारली आहे. समा टीव्हीने दिलेल्या माहितीनुसार, आतापर्यंत बीएलएचे 16 लढाऊ मारले गेले असून 100 हून अधिक प्रवाशांची सुटका करण्यात आली आहे.

BLA चे जवान आणि पाकिस्तानी सैन्यात जोरदार चकमक

समा टीव्हीने दिलेल्या माहितीनुसार, BLA चे लढाऊ आणि पाकिस्तानी लष्करयांच्यात रात्रीपासून सातत्याने जोरदार गोळीबार सुरू आहे. या गोळीबारात अनेक प्रवासी जखमी झाले आहेत. रेडिओ पाकिस्तानने दिलेल्या वृत्तानुसार, सुरक्षा दलांनी दहशतवाद्यांनी बंधक बनवलेल्या 100 हून अधिक लोकांची सुटका केली. बलुचिस्तान पोस्टने BLA च्या हवाल्याने म्हटले आहे की, या संघटनेच्या ताब्यात सध्या 214 बंधक आहेत. सुरक्षा सूत्रांनी दिलेल्या माहितीनुसार, 43 पुरुष, 26 महिला आणि 11 लहान मुलांसह बचाव पथकाची अजूनही गणना सुरू आहे.

दहशतवादी छोट्या छोट्या गटात विभागले गेले

सुरक्षा सूत्रांनी दिलेल्या माहितीनुसार, सुरक्षा दलांच्या कारवाईमुळे दहशतवादी छोट्या गटात विभागले गेले. जखमी प्रवाशांना जवळच्या रुग्णालयात दाखल करण्यात आले असून अतिरिक्त सुरक्षा पथके या भागात कारवाईत सहभागी होत आहेत. गृह राज्यमंत्री तलाल चौधरी यांनी सांगितले की, दुपारी एका दुर्गम भागात ट्रेनला बंधक बनवण्यात आले. सुरक्षा दल घटनास्थळी पोहोचल्यानंतर काही प्रवाशांची सुटका करण्यात आल्याचा दावा त्यांनी केला. आकडे आत्ताच सांगता येणार नाहीत, असे त्यांनी सांगितले. सुटका झालेल्या प्रवाशांना जवळच्या स्थानकावर आणि शेवटी त्यांच्या इच्छित स्थळी नेले जात असल्याचे त्यांनी सांगितले. चौधरी म्हणाले की, अनेकांना रेल्वेतून डोंगराळ भागात नेण्यात आले आहे आणि दहशतवाद्यांकडून महिला आणि मुलांचा ढाल म्हणून वापर केला जात आहे.

दरम्यान, बलोच लिबरेशन आर्मीने एक निवेदन जारी करून बंधकांच्या सुटकेबाबत पाकिस्तानी लष्कराचा दावा फेटाळून लावत हा पाकिस्तानचा प्रोपगंडा असल्याचे म्हटले आहे. आंतरराष्ट्रीय कायद्याचे पालन केल्यामुळे महिला आणि मुलांना आपल्या बाजूने सोडण्यात आल्याचे BLA ने म्हटले आहे. या गटाने पाकिस्तानी लष्कराच्या कारवाईला दुजोरा दिला असून तो हाणून पाडण्यात आला असून सर्व बलुच लढाऊ सुरक्षित असल्याचे म्हटले आहे. आता बहुतांश बंधक पाकिस्तानी सुरक्षा दलाचे असल्याचा दावाही BLA ने केला आहे.

पाकिस्तानी लष्कराने केलेली ही कारवाई बेजबाबदार कृत्य असल्याचे सांगत पाकिस्तानी लष्कर बंधकांबाबत कोणतीही गंभीर चर्चा करण्यास तयार नसल्याचे यावरून दिसून येते, असे या संघटनेने म्हटले आहे. पाकिस्तानी लष्कराने एकही गोळी झाडली तर 10 सैनिक मारले जातील, अशी धमकी त्यांनी दिली आहे.