पाकिस्तानची इस्त्रायलला सर्वात मोठी धमकी, जगात खळबळ, थेट लुडबुड करत..

इराण आणि अमेरिका युद्ध वेगळ्या स्थितीत पोहोचले आहे. या युद्धात काहीही कारण नसताना पाकिस्तानची लुडबुड वाढली आहे. कच्चे तेल आणि गॅस नसल्याने लॉकडाऊनची स्थिती पाकिस्तानमध्ये असताना काड्या कारणाचे काम पाकिस्तान करत आहे. भीकेला लागण्याची वेळ असतानाही पाकिस्तानच्या अंगातील मस्ती काही जात नाहीये. पाकिस्तानने थेट इस्त्रायलला मोठी धमकी दिली. पाकिस्तानच्या या धमकीने मोठी खळबळ उडाली आहे. पाकिस्तानने इस्त्रायलला धमकी देत थेटपणे म्हटले की, लक्षात ठेवा आम्ही काही कतार नाहीत. इस्लामाबादने आपल्या राजनयिकांच्या सुरक्षेबाबत इस्रायलला कडक इशारा दिला आहे. पाकिस्तानचे वांदे असताना थेट इस्त्रायलसोबत पंगा घेताना पाकिस्तान दिसत आहे. भारताने या युद्धात मध्यस्थीची भूमिका घेतली आहे. युद्ध थांबवण्याकरिता भारत आग्रही आहे. पण दुसरीकडे पाकिस्तान युद्धात रॉकेल टाकण्याचे काम करत आहे.

पाकिस्तानने म्हटले आहे की, इराण किंवा इतर कोणत्याही देशातील त्यांच्या अधिकाऱ्यांना दिलेल्या कोणत्याही धमकीला जोरदार प्रत्युत्तर आणि तितक्याचे दणक्यात दिले जाईल. इराणची राजधानी तेहरानमधील पाकिस्तानी दूतावासाजवळ मोठा हल्ला इस्त्रायल आणि अमेरिकेच्या संयुक्त कारवाईत करण्यात आला. त्यानंतर पाकिस्तानात खळबळ उडाली.

आता पाकिस्तानची थेट अमेरिकेला धमकी देण्याची हिंमत तर नाही. मग काय त्यांनी थेट इस्त्रायलला इशारा दिला. पाकिस्तान स्ट्रॅटेजिक फोरमने जारी केलेल्या निवेदनात म्हटले की, इस्रायलने लक्षात ठेवावे की पाकिस्तान कतार नाही… लक्षात ठेवा जगात कोणत्याही कोपऱ्यात आमच्या राजदूतावासाला काहीही इजा झाल्यास आम्ही जोरदार प्रत्युत्तर देऊ.

प्राथमिक अहवालानुसार, दूतावास परिसर आणि पाकिस्तानी राजनैतिक कर्मचारी सुरक्षित आहेत. या हल्ल्यात कोणत्याही प्रकारचे नुकसान झाले नाहीये. या स्फोटांमुळे जवळच्या अनेक इमारतींना मोठा धक्का बसला आहे. मात्र, या हल्ल्यानंतर पाकिस्तानने अमेरिेकेला सोडून थेट इस्त्रायलला धमकी दिली आहे. यामुळे पुन्हा एकदा पाकिस्तानचा दुटप्पीपणा जगापुढे आल्याचे बघायला मिळाले. आता इस्त्रायलकडून या धमकीला नक्की काय उत्तर दिले जात हे बघण्यासारखे ठरणार आहे.