अमेरिकेत खळबळ! डोनाल्ड ट्रम्प यांच्या हत्येचा मोठा कट, थेट कारमध्येच..

अमेरिकेचे अध्यक्ष डोनाल्ड ट्रम्प गेल्या काही दिवसांपासून तूफान चर्चेत आहे. त्यामध्येच आता अमेरिकेतून धक्कादायक बातमी पुढे येत आहे. डोनाल्ड ट्रम्प यांच्यावर हल्ला करण्याचा मोठा कट उधळला आहे. लॉस एंजिलिसच्या जवळ डोनाल्ड ट्रम्प यांच्या नॅशनल गोल्फ क्लबच्या बाहेरून एका संशयित व्यक्तीला अटक करण्यात आले. कॅलिफोर्निया लॉस एंजिलिस काऊंटी शेरिफ विभागाच्या माहितीनुसार, 38 वर्षाच्या व्यक्तीला अटक करण्यात आली. जीनिन जॉन टेले असे त्या व्यक्तीचे नाव असून तो कॅलिफोर्निया येथील डाउनी भागातील रहिवासी आहे. शेरिफ विभागाच्या माहितीनुसार, आरोपीला गोल्फ क्लबच्या पार्किंगमध्ये थांबवण्यात आले. त्याच्या कारची तपासणी करण्यात आली. यादरम्यानच एक पिस्टल आणि बंदी असलेले आर्मर पिसर्सिंग त्याच्याजवळ आढळून आले.

अधिकाऱ्यांनी सांगितले की, आरोपी गोल्फ क्लब परिसरात फिरणाऱ्या लोकांचे फोटो आणि व्हिडीओ काढत होता. तो सुरक्षेवर लक्ष ठेवत होता. संशयित गोष्टी त्याच्याकडून केल्या जात होत्या. हेच नाही तर आरोपीने आपले शस्त्र लपून ठेवले होते. त्याच्यावर असे काही शस्त्र दिसून आली, ज्यावर बंदी आहे. एफबीआय जाइंट टेररिज्म टास्क फोर्स आणि अमेरिकी सीक्रेट सर्व्हिस यांच्याकडून या प्रकरणाचा तपास केला जात आहे.

सध्या पोलिसांनी आरोपीला अटक केले असून चाैकशी सुरू आहे. डोनाल्ड ट्रम्प कॅलिफोर्नियाच्या रिपब्लिकन नॅशनल कमिटीच्या फंडरेजिंग डिनरमध्ये सहभागी होणार आहेत. 26 एप्रिल 2026 रोजी डोनाल्ड ट्रम्प यांच्यावर मोठा हल्ला करण्याचा प्रयत्न झाला होता. वॉशिंग्टन येथील हॉटेलमध्ये ठेवण्यात आलेल्या डिनर पार्टीत ते सहभागी झाले होते. यादरम्यान अमेरिकेतील सर्व वरिष्ठ अधिकारी आणि महत्वाचे नेते उपस्थित होते.

यादरम्यान भर पार्टीत गोळीबार झाला होता. ज्यावेळी हा गोळीबार झाला होता, त्यावेळी डोनाल्ड ट्रम्प देखील तिथेच उपस्थित होते. त्यानंतर डोनाल्ड ट्रम्प यांना सुरक्षित बाहेर काढण्यात आले. या घटनेनंतर अमेरिकेत मोठी खळबळ उडाली. आता त्यामध्येच पुन्हा एकदा अमेरिकेत डोनाल्ड ट्रम्प यांच्या हत्येचा कट उधळून लावण्यात आला.