फ्लायदुबईच्या विमानाची घटना ताजी असतानाच न्यूयॉर्कहून इस्त्रायलकडे जाणाऱ्या विमानात खळबळ, थेट..

दुबईहून इस्त्रायलकडे निघालेल्या फ्लायदुबईच्या विमानात धक्कादायक घटना घडली. ज्याने एकच खळबळ उडाली. थेट विमानातील को पायलटने भारतीय पायलट स्मित मच्छार याच्यावर हल्ला केला. हा हल्ला इतका जास्त मोठा होता की, तो खाली पडला. मात्र, गंभीर जखमी असतानाही त्याने आपत्कालीन कोड पाठवली. हेच नाही तर ओमानी को पायलट विमान क्रॅश करण्याच्या तयारीत असताना स्मित मच्छार यांनी थेट कोकपिटचा दरवाजा उघडला. त्यानंतर प्रवासी आत आले आणि हल्लेखोर पायलटला पकडून ठेवले. मात्र, तोपर्यंत विमान वेगाने खाली येत होते. विमानावर नियंत्रण स्मित मच्छार याने मिळवली. त्यावेळी ते जखमी अवस्थेत होते. प्रवासी मदतीला धावले. ओमानी तेल पायलटला तेल अवीवच्या विमानतळाच्या शेजारील इमारतीला हे विमान धडकायचे होते. पण भारतीय पायलटने त्याचा हा कट उधळून लावला.

फ्लायदुबईमध्ये ओमानी पायलटने याकरिता नोकरी करण्याचा निर्णय घेतला. गेल्या काही महिन्यांपासून तो कट आखत होते. जुलै महिन्यातच त्याला विमान क्रॅश करायचे होते पण त्यावेळी क्रूमध्ये त्याचा जवळचा मित्र असल्याने त्याने तो कट पुढे ढकलला. भारतीय पायलट स्मित मच्छार याच्यामुळे आज 180 लोकांचा जीव वाचला आहे. इस्त्रायलने सर्वात मोठा पुरस्कार स्मित मच्छारला देण्याचा निर्णय घेतला.

त्यातच आता मोठी खळबळ उडवणारी बातमी पुढे येत आहे. सकाळी न्यूयॉर्कहून येणाऱ्या डेल्टा एअरलाईन्सच्या एका विमानाला इस्रायलच्या बेन गुरियन विमानतळावरील एका विलग पार्किंगमध्ये उतरवण्यात आले. विमानात बॉम्ब असल्याची माहिती मिळाल्यानंतर हे पाऊल उचलण्यात आले. ही माहिती मिळताच विमानतळाच्या सुरक्षा पथकांनी त्वरित कारवाई केली. मात्र, विमानात बॉम्ब असल्याचे कळाल्याने एकच खळबळ उडाली.

विमानातील सर्व प्रवाशांना सुरक्षितपणे बाहेर काढण्यात आले. सुरक्षा कर्मचाऱ्यांनी विमानाची कसून तपासणी सुरू केली. विमानात बॉम्ब असल्याची माहिती एका अज्ञात व्यक्तीने दिली होती. ज्यानंतर तात्काळ पाऊले उचलण्यात आली. अधिकचा तपास हा केला जात आहे. इस्त्रायलकडे जाणाऱ्या विमानांची अधिकची तपासणी केली जात आहे.