अफगाणिस्तानच्या राष्ट्रपतीनं देश सोडताना काय काय सोबत नेलं? पैसा, गाड्यांबाबत पहिल्यांदाच रिपोर्ट

काबूल : तालिबानने अफगाणिस्तानवर कब्जा केल्यानंतर राष्ट्राध्यक्ष अशरफ घनी हे देश सोडून पळाले आहेत. घनी यांनी रविवारी राजधानी काबूलमधून चार कार आणि रोख रकमेने भरलेल्या हेलिकॉप्टरसह देश सोडला. रशियन दूतावासाच्या प्रवक्त्या निकिता इश्चेन्को यांच्या माहितीनुसार, “चार कार पैशांनी भरलेल्या होत्या, त्यांनी पैशाचा दुसरा भाग हेलिकॉप्टरमध्ये भरण्याचा प्रयत्न केला, पण सर्व बसवता आले नाही आणि काही पैसे रस्त्यावर पडले होते.” (What did the President of Afghanistan take with him when he left the country, know report)

तालिबान समर्थकांनी अफगाणिस्तान काबीज केले आहे, त्यानंतर अफगाणिस्तानच्या भविष्यात अस्थिरतेची चिन्हे दिसत आहेत. अशरफ घनी सध्या अज्ञातवासात आहेत. ताजिकिस्तानमध्ये उतरण्यास परवानगी नाकारल्यानंतर घनी यांना घेऊन जाणारे विमान ओमानमध्ये असल्याचा दावा अहवालात करण्यात आला आहे. अहवालांनी असेही म्हटले आहे की घनी अमेरिकेत जात आहेत.

काय म्हणाले अशरफ घनी?

अफगाणिस्तान सोडण्यापूर्वी फेसबुकच्या एका प्रदीर्घ पोस्टमध्ये, घनी यांनी रविवारी सांगितले की ते रक्तपात टाळण्यासाठी आपण हे करीत आहोत. तालिबानने रविवारी अफगाणिस्तानची राजधानी काबुलमध्ये प्रवेश केला. काबूलमधील फोटोंमध्ये राष्ट्रपती भवनात तालिबान नेते स्पॉट झाले आहेत, जिथे कधी काळी गाझी सरकारचे दैनंदिन कामकाज चालत असे.

राजधानीत तणावग्रस्त परिस्थिती

देशाच्या पाश्चिमात्य प्रशिक्षित सुरक्षा दलांनी आक्रमक तालिबान समर्थकांपुढे गुडघे टेकले. या महिन्याच्या अखेरीस अमेरिकन सैन्य पूर्णपणे माघार घेण्यापूर्वी या तालिबान समर्थकांनी संपूर्ण देशावर वर्चस्व गाजवले आहे. राजधानीत तणाव आहे, बहुतेक लोक आपल्या घरात लपले आहेत आणि तालिबानी समर्थक मोठ्या चौकात तैनात आहेत. तुरळक लूट आणि सशस्त्र लोकांकडून नागरिकांचे दरवाजे ठोठावल्याच्याही बातम्या आहेत. भयावह शांतता पसरली असून रस्त्यांवर कमी रहदारी दिसत आहे. तालिबानी समर्थक शहराच्या एका मुख्य चौकात वाहनांचा शोध घेताना दिसले.

अफगाणिस्तानच्या लोकांना शांतता परत येण्याची आशा नाही

तालिबान्यांनी हजारो कैद्यांची सुटका केल्यामुळे लोक अराजकतेमुळे भयभीत आहेत. तालिबानची सत्ता असताना त्या क्रूर राजवटीच्या आठवणींनी त्यांना पछाडले आहे. काबुलचे रहिवासी वहिदुल्लाह कादिरी म्हणाले की, अनेक दशकांच्या लढाईत आपले दोन भाऊ आणि एक नातेवाईक गमावल्यानंतर आता आपण शांततेची वाट पाहत आहोत. इतर हजारो लोकांना शांतता पुन्हा येण्याची आशा वाटत नाही आणि ते देश सोडण्यासाठी काबूल विमानतळावर पोहोचले आहेत. सोशल मीडियावरील विविध व्हिडिओंमध्ये शेकडो लोक विमानतळावर दिसले आणि अमेरिकन सैनिकांनी चेतावणी म्हणून हवेत गोळीबार केला. एका व्हिडिओमध्ये, लोक गर्दीच्या विमानात चढण्याचा प्रयत्न करताना गोंधळ घालताना दिसत आहेत. (What did the President of Afghanistan take with him when he left the country, know report)

People try to flee #Kabul. So sad! ??????#Afganistan #KabulHasFallenpic.twitter.com/XYqKZrhpP4

— Auron (@auron83591234) August 16, 2021

संबंधित बातम्या

Afghanistan Crisis : तालिबानकडून अफगाणिस्तानची सत्ता काबीज, आता काय असेल युद्धग्रस्त देशाचे भविष्य?

अफगाणिस्तानचे राष्ट्रपती अशरफ गनी ओमानमध्ये, लॅंडिंगला परवानगी नाकारल्याने आखाती देशात पोहचले