QR कोड खरा आहे की खोटा? पेमेंट करण्यापूर्वी ‘ही’ काळजी नक्की घ्या

आजच्या डिजिटल युगात एक रुपयाच्या चॉकलेटपासून ते मोठ्या वस्तूंपर्यंत, किंवा पेट्रोल पंपावर पेमेंटपर्यंत, सर्वत ऑनलाईन पेमेंट होत आहेत. यासाठी QR कोड स्कॅन केले जातात. पण QR कोड स्कॅन करण्यासाठी देखील काही गोष्टींची काळजी घेणं फार महत्त्वाचं आहे… जाणून घ्या QR कोड स्कॅन करताना कोणती काळजी घ्याल… कारण पण अलीकडे, बनावट QR कोड देखील दिसू लागले आहेत. कोणता बनावट आहे.. कोणता मूळ आहे हे माहित नसल्यामुळे ग्राहकांची फसवणूक होत आहे.

QR कोड स्कॅन करून पेमेंट करणे खूप सोपे असले तरी ते तितकेच धोकादायक आहे. बरेच लोक बनावट QR कोड वापरून लोकांना फसवतात. अशा परिस्थितीत, सामान्य माणसाला बनावट QR कोड कसा ओळखायचा हे माहित नसल्यामुळे त्याची फसवणूक होत आहे.

मूळ QR कोडवर बनावट QR कोड चिकटवून फसवणूक करणाऱ्यांच्या घटना उघडकीस येत आहेत. यामुळे पैसे दुकानदाराऐवजी फसवणूक करणाऱ्याच्या खिशात जातात. म्हणून, पैसे देण्यापूर्वी QR कोड तपासा. जर तुम्हाला असे वाटत असेल तर दुकानदारालाही सावध करा.

ऑनलाइन पेमेंट करताना, स्क्रीनवर कोणाचे नाव दिसते ते तपासा. ते दुकानदाराच्या नावासारखेच आहे याची खात्री करा. जर वेगळे नाव दिसले तर पैसे चुकीच्या खात्यात जाणार नाहीत आणि तुमची आणि दुकानदाराची फसवणूक होणार नाही.

पेमेंट करण्यासाठी घाई करू नका. क्यूआर कोड स्कॅन केल्यानंतर लगेच पे बटण दाबू नका. सर्व तपशील तपासल्यानंतर आणि खात्री केल्यानंतरच पेमेंट करा. या प्रक्रियेला जास्तीत जास्त दोन ते तीन मिनिटे लागतात. परंतु पैसे चुकीच्या खात्यात जाणार नाहीत.

जर QR कोड तिरका किंवा अस्पष्ट असेल तर दुकानदाराशी संपर्क साधा. बऱ्याचदा कोड अस्पष्ट किंवा चुकीचा दिसतो. अशा परिस्थितीत, पूर्ण पडताळणी केल्यानंतरच पैसे भरा. याबद्दल माहिती दुकानदाराला विचारा. अशा काही शंका असतील तर, संबंधित व्यक्तीला विचारा आणि त्यानंतर पेमेंट करा. पैसे देतान कोणतीच घाईरु नका…