Numerology: सासूबाईंच्या लाडक्या असतात या मूलांकाच्या सूनबाई, बाँडिंग तर असं…

Mulank Numerology: मूलांक 3 च्या महिला अशा असतात ज्यांचा जन्म कोणत्याही महिन्याच्या 3, 12, 21 किंवा 30 तारखेला झाला असेल. या महिला अतिशय हुशार, स्वावलंबी आणि व्यवहारी असतात. त्या अभ्यासात हुशार असतातच आणि प्रत्येक विषयावर त्यांचे मत मांडण्यास सक्षम असतात. लहानपणापासूनच त्या आई-वडिलांच्या लाडक्या असल्याने त्यांना कुटुंबात विशेष प्रेम आणि आदर मिळतो. अशा महिला लग्नापूर्वी करिअरवर लक्ष केंद्रित करतात आणि लग्नानंतर त्या कुटुंबाची देखील चांगली काळजी घेऊ शकतात. अशा महिलांची वैशिष्ट्य जाणून घेऊया.

लग्नापूर्वीचं जीवन

या महिला त्यांच्या करिअर आणि शिक्षणाबाबत खूप गंभीर असतात. बहुतांशी महिला उच्च शिक्षण घेतात आणि चांगल नोकरी मिळवण्यासाठी कठोर परिश्रम करतात. त्यांना पैसे वाचवण्याची सवय असते आणि प्रत्येक गोष्ट विचारपूर्वक करतात. त्यांचा आत्मविश्वास खूप मजबूत असतो, ज्यामुळे त्यांना प्रत्येक निर्णय स्वतःच घ्यायला आवडतं. जरी त्या प्रेमात पडल्या तरी त्या चांगल्या आर्थिक स्थिती असलेल्या सुशिक्षित व्यक्तीचीच निवड करतात.

लग्नानंतरचं जीवन

लग्नानंतर या महिला आपल्या कुटुंबाची संपूर्ण जबाबदारी घेतात. त्या घर आणि नोकरी दोन्ही हाताळण्यास सक्षम असतात. त्यांचे पतीसोबतचे नाते प्रेमाने भरलेले असते, पण पती निष्काळजी वागत असेल किंवा खोटे बोलत असेल तर ते त्यांना लगेच समजतं आणि विरोधही करतात. त्या प्रत्येक नातं मनापासून निभावतात पण चुकीची गोष्ट खपवून घेत नाहीत.

सासरच्यांशी नातं

लग्नानंतर अशा महिलांना काही वेळा सासरच्या घरात आव्हानांना सामोरे जावे लागते, कारण त्या कोणाचीही खुशामत करत नाहीत आणि जे योग्य असेल तेच बोलतात. मात्र, कालांतराने त्यांच्या वागण्या-बोलण्यात आणि हुशारीमुळे कुटुंबातील सदस्य त्यांना पसंत करता. या कारणास्तव, मूलांक 3 असलेल्या स्त्रिया सासूची अतिशय आवडती सून असतात आणि दोघींमध्ये मित्रांसारखं नातं असतं. सासू-सासरे आणि पती दोघांचेही त्या महिलांना अपार प्रेम मिळते.

आई बनल्यावर

मूलांक 3 च्या स्त्रिया त्यांच्या मुलांच्या शिक्षण आणि संगोपनाकडे विशेष लक्ष देतात. आपल्या मुलांनी अभ्यासात प्रावीण्य मिळवावे आणि यशस्वी व्हावे अशी त्यांची मनापासून इच्छा असते. अनेक वेळा त्या आपल्या मुलांच्या भविष्यात इतक्या व्यस्त होतात की त्या आपल्या पतींना वेळ देऊ शकत नाहीत, ज्यामुळे काही तणाव निर्माण होण्याची शक्यता असते.

( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)