LPG Gas Cylinder नेहमी लाल रंगाचे का असते? हिरवे, पिवळे, निळे का नसते?

Why Are Gas Cylinders Are Red: सध्या गॅस सिलेंडरसाठी अनेक ग्राहकांना मोठी कसरत करावी लागली. भल्या पहाटे उठून एजन्सीबाहेर उभे राहावे लागले. गॅस टंचाईचा सामना करावा लागला. बुकिंग करूनही सिलेंडर मिळत नसल्याने गॅस एजन्सीबाहेर ग्राहकांच्या लांबच लांब रांगा लागल्याचे दिसते. गॅस सिलेंडर हे स्वयंपाकगृहातील अविभाज्य भाग झाले आहे. पण गॅस सिलेंडर हे नेहमी लाल रंगाचेच का असते? ते हिरवे, पिवळे आणि इतर रंगाचे का नसते? असा प्रश्न तुम्हालाही पडला आहे का? काय आहे त्याचे उत्तर?

लाल रंगाचाच सिलेंडर का?

Gas Cylinder हा नेहमी लाल रंगाचाच का असतो, असा प्रश्न अनेकांना पडला आहे. अनेक रंगाचा वापर हा खास कारणांसाठी करण्यात येतो. पांढरा रंग हा शांततेचं प्रतिक मानल्या जातो. तर हिरवा रंग हा सृष्टीचं हिरवगार पांघरूण आहे. निळ्या रंगात आकाशाची नवलाई दडली आहे. तर लाल रंग हा धोक्याची सूचना देतो. LPG म्हणजे लिक्विफाईड पेट्रोलियम गॅस हा एक ज्वलनशील पदार्थ आहे. थोडाही निष्काळीजपणा मोठ्या दुर्घटनेला आमंत्रण देऊ शकतो. त्यामुळे हा धोका ओळखून सिलेंडरला लाल रंग देण्यात येतो. विशेष म्हणजे गडद लाल रंग धूरात आणि अंधारातही चमकून उठतो. तो दुरून दिसतो. आपत्कालीन स्थितीत लाल रंगाचा सिलेंडर सहज नजरेस पडतो. त्यामुळे गॅसची टाकी ही लाल रंगात न्हाऊन निघते.

इतर सिलेंडरला कोणता रंग?

जगभरात विविध गॅससाठी वेगवेगळ्या रंगाचे सिलेंडर असतात. त्यामुळे ते ओळखणं सोपं जातं. ओळखण्यात कोणतीच गल्लत होऊ नये यासाठी हा रंग देण्यात येतो. या प्रक्रियेला कलर कोंडिंग असे म्हणतात. जर सर्वच गॅस सिलेंडर एकाच रंगाचे असते तर त्यांना ओळखणे कठीण गेले असते आणि कदाचित त्याच्या वापरामुळे एखादी मोठी दुर्घटनाही घडली असती. त्यामुळे रंगाप्रमाणेच गॅस टॅकीचे वजन, त्यातील गॅस, टाकीचा आकार यामध्ये सुद्धा विविधता असते. व्यावसायिक आणि घरगुती गॅसमध्ये ठळक फरक दिसतो. तर इतर गॅस टाकीमध्ये सुद्धा फरक उठून दिसतो.

पांढऱ्या रंगाचा वापार हा ऑक्सिजन सिलेंडरसाठी करण्यात येतो

निळ्या रंगाचा वापर हा नाईट्स ऑक्साईडसाठी करण्यात येतो

काळ्या रंगाच्या सिलेंडरमध्ये नायट्रोजन गॅस असतो

लाल रंग हा ज्वलनशील आणि धोकादायक पेट्रोलियम गॅससाठी वापरल्या जातो