मुंबई पाकव्याप्त काश्मीरसारखी असेल तर हे मोदींचच अपयश; उद्धव ठाकरेंचा हल्लाबोल
अभिनेत्री कंगना रनौतने मुंबई पाकव्याप्त काश्मीरसारखी वाटत असल्याचं म्हटलं होतं. त्याचा मुख्यमंत्री उद्धव ठाकरे यांनी समाचार घेतला. मुंबई जर पाकव्याप्त काश्मीरसारखी वाटत असेल तर हे पंतप्रधान नरेंद्र मोदींचच अपयश आहे, अशी टीका उद्धव ठाकरे यांनी केली.
मुंबई: अभिनेत्री कंगना रनौतने मुंबई पाकव्याप्त काश्मीरसारखी वाटत असल्याचं म्हटलं होतं. त्याचा मुख्यमंत्री उद्धव ठाकरे यांनी समाचार घेतला. मुंबई जर पाकव्याप्त काश्मीरसारखी वाटत असेल तर हे पंतप्रधान नरेंद्र मोदींचच अपयश आहे, अशी टीका उद्धव ठाकरे यांनी केली. (cm uddhav thackeray on kangana ranaut’s controversial statement)
मुंबईतील सावरकर स्मारकात आज शिवसेनेचा दसरा मेळावा पार पडला. मुख्यमंत्री म्हणून उद्धव ठाकरे यांनी पहिल्यांदाच या रॅलीला संबोधित केलं. यावेळी त्यांनी अभिनेत्री कंगना रनौतला नाव न घेता झापलं. काही लोकांना मुंबई पाकव्याप्त काश्मीरसारखी वाटत आहे. मुंबई ही पाकिस्तान सारखी असल्याचं चित्रं उभं केलं जात आहे. जर मुंबई पाकव्याप्त काश्मीरसारखी वाटत असेल तर ते मोदींचं अपयश आहे. कारण मोदींनीच सहा वर्षापूर्वी पाकव्याप्त काश्मीर भारतात आणणार असल्याचं घोषित केलं होतं. ते पाकव्याप्त काश्मीर भारतात तर आणू शकले नाहीत. पण मुंबई जर पाकव्याप्त काश्मीर वाटत असेल तर हे मोदींचच अपयश आहे, असं उद्धव ठाकरे म्हणाले.
मुंबई आणि महाराष्ट्राच मीठ खायचं आणि पुन्हा महाराष्ट्राची बदनामी करायची. महाराष्ट्रात उद्योगधंदे सुरु आहेत. महाराष्ट्र पुढे जातो म्हणून बदनामी केली जात आहे, अशी टीका त्यांनी कंगनाचं नाव न घेता केली.
काश्मीरमध्ये एक इंच जमीन घेऊन दाखवा
मुंबई पाकव्याप्त काश्मीर, पाकव्याप्त काश्मीर सोडून द्या, मोदींनी २०१४ ला सांगितलं होतं की पाकव्याप्त काश्मीर भारतात आणू. ते लांब राहिलं. पण ३७० कलम काढलं आहे. त्यानंतर तुम्ही आज तरी अधिकृत एक इंच जमीन काश्मीरमध्ये घेऊन दाखवा. मग आमच्या अंगावर या, असं आव्हानही त्यांनी कंगनाला दिलं. (cm uddhav thackeray on kangana ranaut’s controversial statement)
शिवसेनेचा दसरा मेळावा 2020 LIVE @ShivSena @ShivsenaComms @OfficeofUT @AUThackeray #दसरा_मेळावा https://t.co/euIzGUHuOc
— TV9 Marathi (@TV9Marathi) October 25, 2020
संबंधित बातम्या:
‘देवेंद्र फडणवीसांनी लवकर बरे व्हावे; आम्हाला लढण्यासाठी समोर तगडा पैलवान पाहिजे’
मुंबईची पाकिस्तानशी तुलना; मुख्यमंत्री उद्धव ठाकरेंनी कंगनाला नाव न घेता झापले!
इकडे गाय म्हणजे माता, पलिकडे जाऊन खाता; हे तुमचं हिंदुत्व?: उद्धव ठाकरे
(cm uddhav thackeray on kangana ranaut’s controversial statement)
