आयटी इंडस्ट्रीचे पितामह, टीसीएसचे पहिले सीईओ फकीर चंद कोहली यांचं निधन

टाटा कन्सल्टन्सी सर्व्हिसेसचे (टीसीएस) पहिले सीईओ आणि भारतात आयटी क्रांती घडवून आणणारे दूरदर्शी व्यक्तिमत्व फकीर चंद कोहली यांचं आज वृद्धापकाळाने निधन झालं. ते 96 वर्षाचे होते. (Faqir Chand Kohli, father of India's software industry, passes away)

भीमराव गवळी | Updated on: Nov 26, 2020 | 7:44 PM

नवी दिल्ली: टाटा कन्सल्टन्सी सर्व्हिसेसचे (टीसीएस) पहिले सीईओ आणि भारतात आयटी क्रांती घडवून आणणारे दूरदर्शी व्यक्तिमत्व फकीर चंद कोहली यांचं आज वृद्धापकाळाने निधन झालं. ते 96 वर्षाचे होते. त्यांना भारतातील आयटी इंडस्ट्रीचे पितामह म्हणून ओळखले जाते. (Faqir Chand Kohli, father of India’s software industry, passes away)

फकीर चंद कोहली यांचा जन्म आताच्या पाकिस्तानमधील पेशावरमध्ये झाला होता. त्यांनी पंजाब विद्यापीठातून भौतिक शास्त्रात पदवी घेतली होती. 1946मध्ये ते कॅनडाला गेले होते. तिथे त्यांनी किंग्स्टन, ओन्टारिओमध्ये क्वीन्स विद्यापीठात इलेक्ट्रिकल इंजीनियरिंगची पदवी घेतली. त्यानंतर 1951मध्ये त्यांनी अमेरिकेतील मॅसेच्युसेट्स इन्स्टिट्यूट ऑफ टेक्नॉलॉजीमधून इलेक्ट्रिकल इंजीनियरिंगमध्ये पदव्युत्तर पदवी घेतली.

त्यानंतर 1951मध्ये कोहली हे टाटा इलेक्ट्रिकमध्ये रुजू होण्यासाठी भारतात परतले. 1969 मध्ये टाटा समूहाने त्यांना आयटी सेवांमध्ये सुधार करण्यास सांगितला. कोहली यांच्या प्रयत्नातूनच टीसीएसचा जन्म झाला आणि टीसीएस नावारुपालाही आली.

कोहली यांच्या निधनावर दिग्गजांनी शोक व्यक्त केला आहे. कोहली केवळ टीसीएसचे सीईओ नव्हते तर भारताच्या विकास गाथेची पायाभरणी करणारे महान व्यक्ती होते, अशा शब्दांत महिंद्राचे सीईओ सीपी गुरनानी यांनी शोक संवेदना व्यक्त केल्या आहेत. दूरदर्शी आणि भारतीय सॉफ्टवेअरच्या या जनकाचे त्यांच्या अतुलनीय योगदानासाठी कायम स्मरण केलं जाईल, अशी प्रतिक्रिया नेसकॉमने व्यक्त केली आहे.

5 एफ वर्ल्डचे कार्यकारी अध्यक्ष आणि संस्थापक गणेश नटराजन यांनीही फकीर चंद कोहली यांच्या निधनावर दु:ख व्यक्त केलं आहे. एफसी कोहली यांचं जाणं ही दुखद घटना आहे. त्यांनी अनेक दशके टेक्नॉलॉजीच्या दुनियेत एका महानायका सारखं काम केलं. ते आणि त्यांची पत्नी माझ्यासाठी गुरुस्थानी आहेत, अशी भावना नटराजन यांनी व्यक्त केली. (Faqir Chand Kohli, father of India’s software industry, passes away)

VIDEO | MahaFast News 100 | महाफास्ट न्यूज 100 | 10 AM | 26 November 2020 https://t.co/wQuEMWeIuS @CMOMaharashtra #fastnews

— TV9 Marathi (@TV9Marathi) November 26, 2020