Corona | मुंबई, पुणे, नागपुरात जिम, थिएटर आणि मॉल बंद
कोरोना या संसर्गजन्य आजाराचा धोका पाहता सरकारने जिम, थिएटर आणि मॉल बंद ठेवण्याचे आदेश दिले आहेत.
मुंबई : राज्यात कोरोना विषाणूमुळे (Novel Corona Virus) दहशतीच वातावरण आहे. कोरोना या संसर्गजन्य आजाराचा धोका पाहता सरकारने जिम, थिएटर आणि मॉल (Theater-Gym-Mall Closed) बंद ठेवण्याचे आदेश दिले आहेत. त्या पार्श्वभूमीवर आज मुंबई, नवी मुंबई, ठाणे, पुणे, पिंपरी चिंचवड, नागपूर या शहरातील जिम, चित्रपटगृह, व्यायामशाळा, जलतरण तलाव, नाट्यगृह (Theater-Gym-Mall Closed) बंद ठेवण्यात आले आहेत.
मुख्यमंत्री उद्धव बाळासाहेब ठाकरे यांनी आज विधानसभेत कोरोना संबंधित घ्यायच्या उपाययोजनांची माहिती दिली.#CoronaVirusUpdate pic.twitter.com/mfDYzhLOGo
— Office of Uddhav Thackeray (@OfficeofUT) March 13, 2020
“पुढील आदेशापर्यंत मुंबई, नवी मुंबई, ठाणे, पिंपरी चिंचवड, (Theater-Gym-Mall Closed) नागपूर या शहरातील जिम, चित्रपटगृह, व्यायामशाळा, जलतरण तलाव, नाट्यगृह बंद ठेवण्याचा निर्णय घेण्यात आला आहे.” मुख्यमंत्री उद्धव ठाकरे यांनी विधीमंडळ अधिवेशनात याबाबतची माहिती दिली होती.
हेही वाचा : Corona | पुण्यात सर्व शाळांना सुट्टी, मुंबई, पुणे, पिंपरी चिंचवड, नागपूरमध्ये थिएटर्स, जिम बंद : मुख्यमंत्री
यात दहावी आणि बारावी परीक्षेच्या व्यतिरिक्त (CM Uddhav thackeray on Corona) पिंपरी-चिंचवड आणि पुणे या ठिकाणच्या शाळा पुढील आदेशापर्यंत बंद ठेवण्यात येणार आहे. मुंबईतील शाळा मात्र नियमित सुरु राहतील, असेही मुख्यमंत्र्यांनी सांगितले.
पुण्यातील 39 मल्टिप्लेक्स बंद, कोटींचा व्यवसाय ठप्प
सरकारच्या आदेशानुसार, आज पुण्यातील एकूण 39 मल्टिप्लेक्स बंद राहणार आहेत. त्यामुळे या व्यवसायातून दर आठवड्याला होणारी आठ कोटी रुपयांची उलाढाल ठप्प होणार आहे. शिवाय, (Theater-Gym-Mall Closed) दर आठवड्याला एका थिएटरची उलाढाल 20 ते 25 लाखांच्या आसपास असते. त्यामुळे या व्यवसायाचं मोठं नुकसान होणार आहे. आगामी सूर्यवंशी आणि 1983 या दोन मोठ्या चित्रपटांचे प्रदर्शन लांबणीवर.
मुंबईत शनिवारी थिएटर्ससमोर शुकशुकाट
मुंबईतही सर्व शिएटर्स बंद ठेवण्यात आले आहेत. त्यामुळे विकएन्ड असूनही मुंबईतील थिएटर्सबाहेर शुकशुकाट पाहायला मिळत आहे.
राज्य सरकारच्या निर्देशानंतर नागपुरातील जिम बंद
कोरोनाचा संसर्ग होवू नये म्हणून सरकारने जिम, थिएटर आणि मॉल बंद ठेवण्याचे आदेश दिले. राज्य सरकारच्या निर्देशानंतर नागपुरातील जिम बंद ठेवण्यात आले आहेत. कोरोनाचा संसर्ग होवू नये, म्हणून सरकारनं जिम, थेटर आणि मॉल बंद ठेवण्याचे आदेश दिले होते.
नागपुरात सध्या कोरोनाचे तीन रुग्ण आहेत. त्यामुळे कोरोनाचा संसर्ग होऊन रुग्णांची संख्या वाढू नये, यासाठी खबरदारीचे उपाय म्हणून जिम बंद (Theater-Gym-Mall Closed) ठेवण्यात आले आहेत.
संबंधित बातम्या :
अमेरिकेत कोरोनाची दहशत, डोनाल्ड ट्रम्प यांच्याकडून राष्ट्रीय आणीबाणीची घोषणा
भटक्यांच्या पंढरीतील मढी यात्रेवर कोरोनाचा प्रभाव, भक्तांच्या संख्येत मोठी घट
