इम्रान खान यांच्या राजीनाम्याची मागणी करत आंदोलन, पाकिस्तानच्या माजी पंतप्रधानांच्या जावयाला अटक

इस्लामाबाद : पाकिस्तानचे माजी पंतप्रधान नवाज शरीफ यांचे जावई सफदर अवान (Safdar Awan Arrested) यांना अटक करण्यात आली आहे. पोलिसांनी दरवाजा तोडून कारवाई केल्याचा आरोप नवाज शरीफ यांची मुलगी मरियम शरीफ (Maryam Nawaz Sharif) यांनी केला आहे. मरियम नवाज शरीफ यांनी ट्विट करत याबाबत माहिती दिली (Maryam Nawaz Sharif husband Safdar Awan arrested in Pakistan).

मरियम शरीफ म्हणाल्या, “माझे पती सफदर अवान यांना पोलिसांनी कराचीतील एका हॉटेलमधून अटक केली आहे. पोलिसांनी हॉटेलच्या रुमचा दरवाजा तोडून आत प्रवेश केला आणि माझे पती सफदर अवान यांना अटक केली.”

मरिअम यांच्याकडून एका रॅलीत इम्रान खानवर टीका

पाकिस्तान मुस्लिम लीगच्या (एन) नेत्या मरियम नवाज यांनी नुकतीच पाकिस्तानचे पंतप्रधान इम्रान खान यांच्या विरोधातील आंदोलनात सहभाग घेतला होता. हे आंदोलन पाकिस्तानमधील विरोधी पक्षांनी आयोजित केलं होतं. यावेळी मरियम म्हणाल्या होत्या, “आपल्या विरोधातील पहिल्याच आंदोलनाला इम्रान खान घाबरले आहेत. इम्रान खान आपल्या सभांमध्ये मोकळ्या खुर्च्यांसमोर भाषण करतात. ते त्यांच्या कामाने लोकशाहीची कबर खोदत आहेत.”

पाकिस्तानमध्ये विरोधी पक्षांनी आघाडी तयार करत इम्रान सरकारला चांगलंच धारेवर धरायला सुरुवात केली आहे. या आघाडीत पीएमएल-एन, पीपीपी, जेयूआय-एफसह 11 पक्षांचा समावेश आहे. या आघाडीने पाकिस्तान सैन्याचे अत्याचार, भ्रष्टाचार, आर्थिक मंदी या मुद्द्यांवर पंतप्रधान इम्रान खान यांच्या राजीनाम्याची मागणी केली आहे. या आंदोलनात सफदर अवान देखील सहभाग झाले होते. इम्रान यांच्या पाकिस्तान तहरीक ए इंसाफ (पीटीआय) पक्षाने या आंदोलनाविरोधात एफआयआर देखील दाखल केली आहे. यात त्यांनी विरोधी पक्षांवर गुंडगिरी केल्याचा आरोप केला आहे.

हेही वाचा :

काँग्रेस पाकिस्तानमध्ये निवडणूक लढणार आहे का? संबित पात्रा यांचा शशी थरुर यांना सवाल

पाकिस्तान PoK मधून आपलं सैन्य मागे बोलावत नाही, तोपर्यंत विरोध कायम : सज्जाद राजा

Jannat Mirza | ‘पाकिस्तानी लोकांची मानसिकता खराब’ म्हणत, ‘टिकटॉक’ स्टारचा पाकिस्तानला ‘अलविदा’!

Maryam Nawaz Sharif husband Safdar Awan arrested in Pakistan