मुंब्र्यात पोलिसांच्या मदतीला ड्रोन, बेशिस्त नागरिकांवर करडा पहारा

ठाणे : कोरोनाचा प्रादुर्भाव रोखण्यासाठी देशात 21 दिवसांचा लॉकडाऊन घोषित करण्यात (Police watch with drone camera mumbra) आला आहे. मुंब्र्यात रस्त्यावर विनाकारण फिरणाऱ्यांवर पोलीस ड्रोनद्वारे करडी नजर ठेवत आहेत. विशेष म्हणजे पहिल्यांदाचा साऊंड सीस्टम असणारा ड्रोन पोलीस उडवणार आहेत. आज (7 एप्रिल) ड्रोन उडवून मुंब्रा पोलिसांनी नागिराकंना घरा बाहेर न पडण्याचे आवाहन (Police watch with drone camera mumbra) केले.

ठाण्यात कोरोना व्हायरसचे रुग्ण वाढत आहेत. ठाणे जिल्ह्यात तर कोरोना रुग्णांनी शंभरी गाठली आहे. त्यात मुंब्रा सारख्या परिसरातील लोक प्रशासनाचे ऐकण्याच्या मनस्थितीत दिसत नाहीत. कारण अनेक वेळा पोलिसांनी लोकांना घरी राहा, अत्यावश्यक सेवेशी निगडित काही काम असेल तरच घराबाहेर पडा, असे आवाहन केले. तसेच वेळ पडली तर दंडुकेशाहीचाही उपयोग केला. परंतु मुंब्रामध्ये काही लोक अजूनही सुधारत नाहीत. त्यामुळे आता मुंब्रा पोलिसांनी अशा लोकांवर नजर ठेवण्यासाठी थेट ड्रोनचा उपयोग केला.

मुब्रा भागातील गल्लीबोळात जी लोक बाहेर येतात किंवा इमारतीच्या गच्चीवर गर्दी करतात, अशा लोकांवर खासकरून नजर ठेवण्यासाठी या ड्रोनचा उपयोग होत आहे. त्यात महत्वाचे म्हणजे या ड्रोनला साऊंड सीस्टम आहे. हा ड्रोन ज्या ठिकणी उडतोय त्या ठिकाणच्या लोकांना सूचना देण्यासाठी या ड्रोनला वॉकीटॉकीद्वारे साऊंड सीस्टम जोडण्यात आला आहे. त्यामुळे पोलीस कर्मचारी एका वॉकीटॉकीद्वारे व्हिज्युअल पाहून लोकांशी संवाद साधतात आणि हा आवाज एकूण लोक दचकून आपल्या घरात पळतात.

अशा प्रकारचा साऊंड स्यीस्टम असणारा हा ड्रोन पहिल्यांदा पोलिसांकडून उडवण्यात आला आहे आणि याचा उपयोग होताना दिसत आहे. लोकांनाही या ड्रोनची भीती आहे. त्यामुळे ड्रोनची नजर तर आपल्यावर नाही ना या शंकेमुळे लोक घराच्या बाहेर पडताना दिसत नाहीत.