Non AC Train | 1 जूनपासून वेळापत्रकानुसार 200 नॉन AC रेल्वे सुरु, रेल्वे मंत्र्यांची घोषणा

नवी दिल्ली : स्थलांतरित मजुरांसाठी 15 विशेष ट्रेन सुरु केल्यानंतर (Piyush Goyal on Non AC train) भारतीय रेल्वे हळूहळू रुळावर येताना दिसत आहे. रेल्वे मंत्री पीयूष गोयल यांनी एक मोठी घोषणा केली आहे. येत्या 1 जूनपासून देशभरात 200 नॉन एसी रेल्वे गाड्या नियोजित वेळेनुसार धावणार आहेत. रेल्वे मंत्र्यांनी ट्विटवर याबाबत माहिती दिली आहे (Piyush Goyal on Non AC train).

इसके अतिरिक्त भारतीय रेल 1 जून से टाइम टेबल के अनुसार प्रतिदिन 200 नॉन एसी ट्रेन चलायेगा जिसकी ऑनलाइन बुकिंग शीघ्र ही शुरु होगी।

— Piyush Goyal (@PiyushGoyal) May 19, 2020

“भारतीय रेल्वे 1 जून पासून नियोजित वेळापत्रकानुसार दररोज 200 एसी रेल्वे सुरु करणार आहे. या रेल्वेंसाठी तिकिट बुकिंग लवकरच सुरु करण्यात येईल. रेल्वे प्रशासनाच्या या निर्णयामुळे देशभरात अडकलेल्या स्थलांतरित मजुरांना दिलासा मिळेल”, असं पीयूष गोयल म्हणाले आहेत.

“देशातील सर्व राज्य सरकारांना विनंती आहे की, त्यांनी मजुरांना मदत करावी. मजुरांची नाव नोंद करुन त्याची अचूक माहिती रेल्वे प्रशासनाला द्यावी, जेणेकरुन मजुरांना विशेष ट्रेनमार्फत त्यांच्या गावी सोडता येईल”, अशी विनंती रेल्वे मंत्र्यांनी देशातील सर्व राज्य सरकारांना केली आहे.

राज्य सरकारों से आग्रह है कि श्रमिकों की सहायता करे तथा उन्हें नजदीकी मेनलाइन स्टेशन के पास रजिस्टर कर, लिस्ट रेलवे को दे, जिससे रेलवे श्रमिक स्पेशल ट्रेन चलाये।

श्रमिकों से आग्रह है कि वो अपने स्थान पर रहें, बहुत जल्द भारतीय रेल उन्हें गंतव्य तक पहुंचा देगा।

— Piyush Goyal (@PiyushGoyal) May 19, 2020

भारतीय रेल्वे प्रशासनाने देशभरात अडकलेल्या मजुरांना आपापल्या घरी सोडण्यासाठी विशेष ट्रेन सुरु केल्या आहेत. रेल्वे प्रशासनाने आतापर्यंत 21.5 लाख स्थलांतरित मजुरांना आपापल्या नियोजित स्थळी पोहोचवलं आहे.

भारतीय रेल्वे प्रशासनाने देशभरात अडकलेल्या सर्व स्थलांतरित मजुरांना संयम बाळगण्याचा सल्ला दिला आहे. सर्व मजुरांना आपापल्या घरी पोहोचवण्यासाठी रेल्वे प्रशासनाकडून नियोजन आखलं जात आहे. यासाठी केंद्र सरकारसोबत योग्य समन्वय साधलं जात आहे, अशी माहिती रेल्वे प्रशासनाकडून देण्यात आली आहे.